Sófocles
| Sófocles | ||
|---|---|---|
 | ||
| Hetã | Antigua Atenas | |
| Hembiapo | tragediógrafo, dramaturgo y haihára | |
| Taýra | Iofonte, Ariston | |
| [editar datos en Wikidata] | ||
Sófocles (Kolóno, 496 a. C.-Aténa, 406 a. C.) ha'e akue peteĩ ñe'ẽpapára tembiasyeta oñoha'ãngáva ohaíva Gyrésia Ymaguare pegua. Ohai va'ekue tembiapo ko ára peve ojeikuaaitéva, ha'éva Antígona ha Édipo mburuvichavete, ko Sófocles ojejuhu, Esquilo ha Eurípides yképe, tembiasyeta oñoha'ãngáva Gyrésia pegua haihára tuichavéva apytépe. Opaite hembiapokue retakuégui, 7 ñe'ẽpoty oĩmbaitéva añoite hembýva, umíva niko mba'etuichaitéva Gyrésia Ymaguare ñe'ẽporãhaipyrépe.
Sófocles heñói Kolónome, tava'i Aténa aguĩva, ary 497 térã 496 a. C., hogaygua mba'ehetáva. Sófilo ra'y, peteĩ ñe'ẽpapára. Peteĩ imbo'ehára ha'e akue Lampro, ombo'e va'ekue chupe jeroky ha líra ñembopu. Omenda Nicóstrata rehe, omomemby va'ekue ita'ýra Iofonte, omba'apo va'ekue avei tembiasyeta oñoha'ãngáva haihára ramo. Orekóvo 50 ary, Sófocles iñakãraku peteĩ kuña viru rupive oporenóva, Teóride Sición peguáva. Ha'e omomemby Aristón, ha upe ita'ýra Sófocles pe Karia'y, haihára herakuã porãva. Aranduka hérava Suda he'i Sófocles ita'ýra hetave hague, mbohapy ambuéva, jepémo ndojeikuaái mávapa umíva.
Ojeikuaa ohaihague amo 123 térã 130 ñe'ẽpoty, aranduka ha moñe'ẽrã. Heta omba'apo avei hetã ñesãmbyhýpe, mburuvicha'i, ñorairõhára ha pa'i ramo. Omano amo ary 406 térã 405 a. C.
Omano riremi, ñe'ẽpapára Frínico ohai chupe peteĩ ñemomorã:
Μάκαρ Σοφοκλέης, ὃς πολὺν χρόνον βιούς
ἀπέθανεν, εὐδαίμων ἀνὴρ καὶ δεξίος;
πολλὰς ποιήσας καὶ καλὰς τραγῳδίας·
καλῶς δ' ἐτελεύτησ' οὐδὲν ὑπομείνας κακόν.Toñemomba'e guasu Sófocles, hekove puku rire ohasávo
omano peteĩ kuimba'e ovy'áva ha katupyrýva ramo.
Hembiapokue hetáva ha porãitéva.
Ipaha hory ha hete hasy'ỹva.
Omano rire, oñemomba'e guasu chupe peteĩ "éroe" ramo (kuimba'e hekokatúva), ha ojehero chupe Dexio.[1][2]
Tembiasyeta oñoha'ãngáva
[jehaijey | emoambue kuatia reñoiha]Édipo rehegua
[jehaijey | emoambue kuatia reñoiha]- Edipo mburuvichavete
- Edipo Kolónome
- Antígona
Ambuéva
[jehaijey | emoambue kuatia reñoiha]- Áyax
- Las Traquinias
- Electra
- Filoctetes
- Anfiarao (ndojejuhupái)
- Epígonos (ndojejuhupái)
- Los rastreadores (ndojejuhupái)
Mandu'apy
[jehaijey | emoambue kuatia reñoiha]- ↑ Sófocles: Tragedias, introducción de Luis Alberto de Cuenca. Madrid: EDAF (2008), ISBN 978-84-7166-738-0.
- ↑ Sófocles: Tragedias; introducción de José S. Lasso de la Vega. Madrid: Gredos (1992), ISBN 84-249-0099-5.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
