Vigo Street
Coordenadas: 51°30′37″N 0°08′20″O / 51.5103, -0.139
Vigo Street, orixinalmente Vigo Lane,[1] é unha rúa curta situada no centro de Londres, que leva o seu nome da vitoria naval anglo-holandesa sobre os franceses e españois na batalla de Rande de 1702.[2][3] Discorre entre Regent Street e o cruzamento de Burlington Gardens e Savile Row.
Historia
[editar | editar a fonte]
Nun comezo, todo o camiño dende o que agora é Bond Street ata a actual Glasshouse Street, incluída Vigo Street, chamábase Glasshouse Street.[4] Despois da vitoria naval anglo-holandesa sobre os franceses e españois na batalla da Ría de Vigo en 1702, parte de Glasshouse Street pasou a chamarse Vigo Lane e logo en Vigo Street, aínda o primeiro foi usado en Elmes's London Streets ata 1831.[1]
Finalmente, a parte de Vigo Street detrás de Burlington House pasou a chamarse Burlington Gardens en 1831.[1][4]
Referencias literarias
[editar | editar a fonte]
Os editores John Lane e Elkin Mathews asociaronse en Vigo Street. Xuntos publicaron a revista literaria The Yellow Book volumes un e dous en 1894. Máis tarde fundaron The Bodley Head e continuaron publicando a obra ata que cesou en 1897.
Cando a asociación entre Lane e Mathews terminou, ambos continuaron tendo locais en Vigo Street e Mathews publicou as primeiras edicións de varias obras literarias importantes, incluíndo The Wind Among the Reeds de William Butler Yeats en 1899, Chamber Music de James Joyce en 1907. Tamén publicou obras de Lionel Johnson, John Masefield, J. M. Synge e Ezra Pound.[5]
Foi dende o número 8 da rúa que Allen Lane fundou Penguin Books como parte de Bodley Head en 1935. En 1985, a editorial colocou unha placa no número 8 para conmemorar o cincuentenario do libro de bolsillo Penguin.[6]
A rúa tamén é mencionada nos libros The Lost World, de Conan Doyle,[7] e The End of the Affair, de Graham Greene.
Notas
[editar | editar a fonte]- ↑ 1,0 1,1 1,2 Wheatley, Henry B. (1891). London past and present: Its history, associations, and traditions. Vol. III. London: John Murray. Cambridge University Press reimpresión, 2011. p. 435. ISBN 978-1-108-02808-0.
- ↑ Hibbert, Christopher; Ben Weinreb; John Keay; Julia Keay (2010). The London encyclopaedia. London: Pan Macmillan. p. 976. ISBN 978-0-230-73878-2.
- ↑ Wittich, John. (1996). Discovering London street names. 3ª edición. Princes Risborough: Shire Publications. p. 127. ISBN 978-0-7478-0309-6. Arquivado dende o orixinal o 09 de xullo de 2014. Consultado o 06 de setembro de 2018.
- ↑ 4,0 4,1 Kingsford, Charles Lethbridge (1925). The early history of Piccadilly Leicester Square Soho & their neighbourhood based on a plan drawn in 1585 and published by the London Topographical Society in 1925. Cambridge: University Press. p. 127.
- ↑ Wilhelm, J.J. (2010). Ezra Pound in London and Paris, 1908-1925. Pennsylvania State University Press. p. 5. ISBN 0-271-04099-8.
- ↑ Here fifty years ago Allen Lane published his first paperbacks thereby changing reading habits throughout the English speaking world Open Plaques, 2014. Consultado o 4 de xuño de 2014.
- ↑ "The Lost World". The Arthur Conan Doyle Enciclopedia (en inglés).
Véxase tamén
[editar | editar a fonte] |
Wikimedia Commons ten máis contidos multimedia na categoría: Vigo Street  |
Outros artigos
[editar | editar a fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.
