Sergipe
Himno | Hino de Sergipe (pt) ![]() ![]() | ||||
---|---|---|---|---|---|
Localización | |||||
| |||||
Estado | Brasil ![]() | ||||
Capital | Aracaju ![]() | ||||
Contén a división administrativa | |||||
Poboación | |||||
Poboación | 2.288.116 (2017) ![]() | ||||
Xeografía | |||||
Parte de | |||||
Superficie | 22.050,3 km² ![]() | ||||
Altitude | 223 m ![]() | ||||
Comparte fronteira con | |||||
Datos históricos | |||||
Precedido por | |||||
Creación | 1889 ![]() | ||||
Organización política | |||||
Órgano executivo | secretariado do governo de Sergipe (pt) ![]() ![]() | ||||
• Governador (pt) ![]() ![]() | Belivaldo Chagas Silva (pt) ![]() ![]() | ||||
Órgano lexislativo | Assembleia Legislativa de Sergipe (pt) ![]() ![]() | ||||
Identificador descritivo | |||||
Código postal | 49000-000 e 49990-000 ![]() | ||||
Fuso horario | |||||
ISO 3166-2 | BR-SE ![]() | ||||
Páxina web | se.gov.br ![]() |
Sergipe é o máis pequeno dos vinte e sete Estados do Brasil. Atópase na Rexión Nordeste e ten como límites Alagoas ao norte, o océano Atlántico ao leste e Baía ao sur e ao oeste. Ocupa unha área de 22.050,4 km², sendo un pouco máis extenso que Israel. A súa capital e cidade máis populosa é Aracaju, sendo outras importantes cidades do Estado Lagarto, Itabaiana e Estância.
Historia
[editar | editar a fonte]En 1575, os xesuítas intentaron colonizar as terras do actual estado de Sergipe, pero soamente en 1590 os indíxenas foron derrotados definitivamente por Cristóvão de Barros, fundador do forte e da freguesía de São Cristóvão. Entre 1637 e 1645, a rexión estivo baixo o dominio dos holandeses, período no cal a súa economía foi bastante prexudicada. Coa recuperación das terras polos portugueses, desenvolveuse a cultura de cana de azucre e a gandería.
En 1820 fíxose unha capitanía autónoma, separada de Baía. Coa independencia do Brasil, Sergipe foi transformado en provincia do Imperio. Durante o século XIX, as plantacións de algodón pasaron a ter importante papel na economía. En 1855, a capital foi transferida de São Cristóvão ao pobo de Aracaju. Na segunda metade do século XX, os escritores Tobias Barreto e Sílvio Romero proxectaron o estado no panorama cultural do país.
Xeografía
[editar | editar a fonte]Tal como case todos os estados da Nordeste, o interior do estado de Sergipe está case totalmente cuberto pola caatinga, a vexetación do semiárido brasileiro. O litoral é caracterizado pola presenza de mangleirais e praias de area. Unha pequena extensión de selva tropical acompaña partes da costa. O Río São Francisco forma o límite norte do estado e recibe as augas de parte dos ríos do norte e leste do estado.
A metade sur do estado é drenada por pequenos ríos que desaugan directamente no océano Atlántico. O máis extenso é o río Irapiranga (tamén chamado río Vaza-Barrís). Outros ríos importantes son o Sergipe, o Japaratuba, o Piauí e o Real. Aproximadamente o 85% do territorio están por baixo dos 300 m de altitude, con predominio de terras planas ou pouco onduladas. O clima é tropical, máis húmido próximo ó litoral e semiárido no sertão.
Economía
[editar | editar a fonte]![](https://upload.wikimedia.org/wikipedia/commons/thumb/2/2b/Centro_de_Aracaju.jpg/200px-Centro_de_Aracaju.jpg)
A economía de Sergipe baséase principalmente no cultivo de cana de azucre. As súas extensas plantacións, beneficiadas por un chan fértil, producen máis de 1,4 millón de toneladas de azucre por ano. Ao contrario de moitos estados brasileiros, a creación de gando non é moi importante.
Ademais da cana, son cultivados a mandioca (617.400 t por ano), a laranxa (14,4 millóns de froitos) e o coco. O zume de laranxa representa uns 60% das exportacións do estado. A extracción de sal mariña tamén é importante, e tamén existe unha pequena industria de artefactos de coiro. O goberno brasileiro ampliou a explotación de petróleo e gas natural no estado.
Destácanse no turismo a capital, Aracaju, e a veciña Barra dos Coqueiros, coas súas praias, e a cidade histórica de São Cristóvão.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Sergipe ![]() |
Outros artigos
[editar | editar a fonte]Ligazóns externas
[editar | editar a fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.