Albania
Actual campión da Copa do Mundo
Actual campión da Eurocopa
Actual campión da Copa de África
Actual campión da Copa América
Actual campión da Copa Ouro
Actual campión da Copa Asiática
Actual campión da Copa das Nacións da OFC
Na casa Fóra
Asociación	Federata Shqiptare e Futbollit
Confederación	UEFA (Europa)
Código FIFA	ALB
Alcume	Kuq e zinjtë (Vermella e negra) Shqiponjat (Aguias)
Clasificación FIFA	66 (11 de xuño de 2020)
Clasificación ConIFA	(({Ranking ConIFA))}
Seleccionador	Edoardo Reja
Máis encontros	Lorik Cana (93)
Máximo goleador	Erjon Bogdani (18)
Estrea internacional Albania 2 − 3  Iugoslavia Tirana, Albania; 7 de outubro de 1946
Maior vitoria Albania 5 − 0  Vietnam Bastia Umbra, Italia; 12 de febreiro de 2003 Albania 6 − 1  Chipre Tirana, Albania; 12 de agosto de 2009
Maior derrota Hungría 12 − 0 Albania Budapest, Hungría; 24 de setembro de 1950
Eurocopa
Participacións	1 (primeira en 2016)
Mellor resultado	Fase de grupos (2016)

A Selección de fútbol de Albania (en albanés: Kombëtarja e futbollit të Shqipërisë) é o equipo representativo de Albania nas competicións internacionais oficiais de fútbol. Está controlada pola Federación Albanesa de Fútbol (Federata Shqiptare e Futbollit, FSHF), afiliada á UEFA. O maior éxito da selección foi a súa clasificación á Eurocopa de 2016, onde non conseguiron superar a fase de grupos. Por outra banda, nunca conseguiron disputar a fase final da Copa do Mundo de Fútbol.

Albania xoga con camisola vermella, pantalóns negros e medias vermellas, ás veces con decoracións brancas ou negras. A segunda equipaxe é normalmente branca con pantalóns negros ou vermellos. As cores recordan a bandeira albanesa, vermella cunha aguia negra bicéfala no centro. O escudo que usa non é o mesmo que o da federación, sendo un deseño simple vermello coa aguia no centro, que lembra a bandeira nacional, contorneado dunha banda branca co nome na lingua orixinal da federación en caracteres dourados.

Non hai un estadio de fútbol oficial nacional en Albania, pero normalmente o equipo xoga no Qemal Stafa. Construído sobre o 1930, era no inicio un complexo polideportivo, pero hoxe é empregado case exclusivamente para o fútbol. Con capacidade para 40.000 espectadores é o maior estado de Albania.

O debut no panorama futbolístico internacional foi na posguerra, cando Albania consegue a independencia tras o fin da ocupación italiana. Albania presentouse por primeira ven ás clasificadoras dunha Eurocopa na edición de 1964 e dun mundial en 1966. En 1968 o equipo albanés, que contaba con Panajot Pano (considerado un dos mellores futbolista albaneses da historia), conseguiu empatar con Alemaña Occidental (0−0), o que comprometeu a clasificación dos alemáns para a Eurocopa de Italia de 1968.

Unha xeración de bos futbolistas conduciu os albaneses a excelentes resultados nos anos 80: durante as clasificadoras para o Mundial de México de 1986 conseguiu un prestixioso 2-2 en Polonia, vencendo posteriormente a Bélxica 2-0, futura semifinalista do torneo. Nos últimos anos, Albania mellorou notablemente o seu nivel, conseguindo vencer Grecia 2-1 na clasificación para o Mundial de Alemaña 2006, que posteriormente serían campións de Europa na Eurocopa de Portugal de 2004. En Albania 2016 conseguiron disputar á fase final da Eurocopa.

• Federación Albanesa de Fútbol