Secernénteos Secernentea
Heterodera glycines. Verme e un ovo
Clasificación científica
Reino: Animalia Filo: Nematoda Clase: Secernentea Lorenzen, 1981
Subclases e Ordes
Véxase o texto

A dos secernénteos (Secernentea) é unha clase de nematodos.

É unha das dúas clases tradicionais de nematodos, que está fundamentada en criterios morfolóxicos, pero non está apoiada por análises moleculares modernos.^[1]

Son nematodos con anfidios localizados dorsolateralmente sobre os labios laterais ou no extremo anterior, as aberturas dos anfidios son en forma de poro ou de fendedura; os deridios e os fasmidios están presentes; o aparato excretar é tubular; a cutícula, estriada, está provista de dúas a catro capas; o esófago é variábel, pero con tres glándulas esoxáficas; as ás cuadais están presentes. Os machos posúen, en xeral, un testículo, teñen papilas sensoriais cefálicas e pode haber tamén papilas caudais. A hipoderme é uninucleada ou multinucleada. A cutícula componse de dúas a catro capas, e presenta estrías transversais ou aneis. O sistema excretor ábrese ventrolateralmente mediante un ducto cuticularizado conectado a túbulos colectores en un ou a ambos os lados do corpo. A cavidade corporal presenta de catro a seis pseudocelomocitos.^[2]

Son case exclusivamente terrestres, rara vez de auga doce ou mariños.^[1]

De modo tradicional, os secernénteos se subdiven en tres subclases, cun total de oito ordes,^[1] ou nove, segundo os autores.^[3]

Subclase Rhabditia

Orde Rhabditida

Orde Strongylida

Subclase Spiruria

Orde Spirurida

Orde Ascaridida

Orde Camallanida

Orde Drilonematida

Subclase Diplogasteria

Orde Diplogasterida

Orde Tylenchida

Wikimedia Commons ten máis contidos multimedia na categoría:  Secernénteos

Wikispecies posúe unha páxina sobre:  Secernénteos

• Nematodos