Rudkøbing

Localización
54°56′17″N 10°42′58″L / 54.938, 10.716Coordenadas: 54°56′17″N 10°42′58″L / 54.938, 10.716
Estado federado	Dinamarca
Region of Denmark (en)	Dinamarca do Sul (pt)
Municipios	Langeland Municipality (en)
Capital de	Langeland Municipality (en) Langeland Rudkøbing Municipality (en) (1970–2006)
Xeografía
Altitude	10 m
Identificador descritivo
Fuso horario	UTC+01:00, horario estándar UTC+02:00, horario de verán
Outro
Irmandado con	Concello de Mjölby

Rudkøbing é unha pequena cidade danesa que é a capital da illa e do municipio de Langeland. En 2018 tiña 4 671 habitantes,^[1] cunha densidade de poboación nese ano de 16 hab./km².

Situada a unha altitude de 10 msnm, o municipio ocupa unha superficie de 291,21 km². É unha cidade cun porto pesqueiro, comercial e deportivo.

Gráfica de evolución demográfica de Rudkøbing entre 1976 e

Rudkøbing se nomea por primeira vez nun documento do ano 1287 como Rudkiøbing. Crese que o nome orixinal do lugar era Rutha, co significado de "lugar aberto" ou "lugar despexado", mentres que a terminación -købing indica unha localidade con privilexios comerciais. A súa fundación é seguramente máis antiga.

Pol súa situación no centro e na costa oeste de Langeland, Rudkøbing pronto destacou como o principal sitio comercial da illa e como porto de saída das mercadorías. A cidade nunca foi moi grande, debido ao limitado tamaño da illa e ao comercio ilegal que imperou até o século XVII.

Rudkøbing naceu como unha cidade mercado medieval na que non houbo un gran desenvolvemento industrial posterior. Por iso que aínda poden encontrarse rúas empedradas e estreitas canellas das antigas granxas e mercados.

Durante as guerras entre Dinamarca e Suecia no século XVII, Rudkøbing foi fortificada pero, a pesar diso, padeceu severos danos. Pouco despois de finalizada a guerra de 1658-1660 a súa poboación non chegaba aos 500 habitantes. A finais dese século Rudkøbing recuperou certa actividade comercial grazas á mellora do seu porto.

A mediados do século XIX construíuse un novo porto e melloraron os camiños entre a cidade e as zonas rurais da illa. O comercio tamén se beneficiou coa chegada dos barcos de vapor. A industrialización chegou a Rudkøbing en 1845 e tivo certo crecemento até o século XX, pero nunca tivo demasiada forza.

O ferrocarril de Langeland inaugurouse en 1911. A poboación medrou de maneira constante e, a finais do século XIX, alcanzou os 3 500 habitantes, pero a partir da década de 1920 o crecemento foi bastante máis modesto e con altibaixos. Este crecemento limitado fixo que o centro da cidade conserve as súas características antigas. O turismo ten unha importancia crecente na economía, ao que contribuíu a inauguración en 1960 da ponte de Langeland, principal vía de acceso a illa desde o resto do país, que conecta con Tåsinge e coa illa de Fionia. Hai así mesmo conexións por ferri con Lolandia, Ærø e Strynø.

En 1970 creouse o municipio de Rudkøbing e, en 2007, este fusionouse cos outros dous municipios da illa para integrar o municipio de Langeland, do que Rudkøbing é a súa capital desde entón.

Wikimedia Commons ten máis contidos multimedia na categoría:  Rudkøbing

• "Departamento de Estatística de Dinamarca" (en danés). Consultado o 23 de xullo de 2020. 
• Den Store Danske. "Rudkøbing" (en danés). Consultado o 23 de xullo de 2020. 
• Dansk Center for Byhistorie (Centro Danés para a Historia Urbana). "Danmarks Købstæder: Rudkøbing" (en danés). Consultado o 23 de xullo de 2020.