Rede Galega do Patrimonio Arqueolóxico
A Rede Galega do Patrimonio Arqueolóxico é un proxecto da Consellería de Cultura da Xunta de Galicia, a través da Dirección Xeral de Patrimonio Cultural, nacido en 2001 co obxectivo de crear catro grandes centros de referencia nas catro provincias galegas para pór en valor e dotar de recursos científicos, didácticos e turísticos os diferentes espazos arqueolóxicos espallados por todo o territorio.[1]
Parques
[editar | editar a fonte]Dentro deste proxecto, están a crearse os seguintes centros, un en cada unha das provincias:
- En Pontevedra, o Parque Arqueolóxico da Arte Rupestre, localizado en Campo Lameiro e dirixido á conservación e divulgación da arte rupestre. Este centro inaugurouse o 6 de xullo de 2011.[2].
- En Ourense, o Parque Arqueolóxico da Cultura Castrexa, situado no Castro de San Cibrao de Las, entre San Amaro e Punxín; é un centro dirixido ó mundo castrexo. Inaugurouse o 8 de marzo de 2014.[3].
- Na Coruña, o Parque Arqueolóxico do Megalitismo da Costa da Morte, centro de interpretación do megalitismo. En outubro de 2023 a Deputación da Coruña reservou 200.000 euros para a posta en marcha do proxecto.[4].
- En Lugo o proxecto inclúe un centro sobre o mundo galaico-romano.
En tódolos casos preténdese construír un centro de interpretación dotado coa infraestrutura necesaria para focaliza-la investigación relacionada con cada momento histórico, pero sen esquece-los aspectos didácticos e turísticos destas instalacións.
Véxase tamén
[editar | editar a fonte]Ligazóns externas
[editar | editar a fonte]Notas
[editar | editar a fonte]- ↑ "A Rede Galega de Patrimonio Arqueolóxico presentouse no ano 2001". La Voz de Galicia. 31 de decembro de 2011.
- ↑ "Galicia inaugura su primer parque arqueológico de referencia mundial". El Correo Gallego. 7 de xullo de 2011.
- ↑ "El segundo parque arqueológico de Galicia abre este sábado al público". La Región. 5 de marzo de 2014.
- ↑ "Reservada una partida de 200000 euros para arrancar el Parque do Megalitismo da Costa da Morte". La Voz de Galicia. 19 de outubro de 2023.
Text is available under the CC BY-SA 4.0 license; additional terms may apply.
Images, videos and audio are available under their respective licenses.