Río Millars
| Río Millars | |
|---|---|
 | |
| País | España |
| Altitude | 800 msnm |
| Lonxitude | 156 km |
| Caudal medio | 14,72 m³/s |
| Desembocadura | Mar Mediterráneo |
O río Millars (en castelán: Mijares) é un río da Península Ibérica que nace na Serra de Gúdar no termo municipal de El Castellar (Teruel), da unión de diversos ríos a uns 1.600 m de altitude e que desemboca entre os termos de Almassora e Borriana, na provincia de Castelló, tras 156 km de percorrido.
Nacemento
[editar | editar a fonte]O Millars nace en El Castellar, Teruel.
Afluentes
[editar | editar a fonte]Preto do seu nacemento está tamén o do seu principal afluente o Valbona e o do tamén afluente Albentosa. Xa na Comunidade Valenciana os principais afluentes do Millars son: Maimona, Montán, o barranco de Paus, a rambla de la Viuda e o río Villahermosa en Vallat.
Réxime fluvial
[editar | editar a fonte]
O réxime do río é pluvial mediterráneo aínda que cun lixeiro matiz nival debido á altura á que nace. Iso provoca no curso baixo do río a existencia dun período de relativo caudal en febreiro e xuño, superados en outubro e notorios descensos en xaneiro e sobre todo agosto. O carácter mediterráneo do río provoca a existencia de monstruosas avenidas das cales as máis importantes foron a de 1922 cun máximo de 3000 m³/s e a de 1957 da que non se teñen estimacións debido a que destruíu os aforamentos.
Desembocadura
[editar | editar a fonte]Na súa desembocadura forma unha marisma, Les Goles del Millars, alargada duns 90 metros de anchura, que se fai máis angosta na liña da costa polo avance dun cordón litoral desde o norte que a pecha parcialmente (40 metros).
Conca
[editar | editar a fonte]A superficie da conca é de 4.028 km² e o caudal medio é de 14,72 m³/s, na localidade de Cirat.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
