Provincia de Alacant

Provincia de Alicante (es) Província d'Alacant (ca)
Brasón
Localización
38°30′N 0°30′O / 38.5, -0.5Coordenadas: 38°30′N 0°30′O / 38.5, -0.5
Estado	España
Comunidade autónoma	Comunidade Valenciana
Capital	Alacant
Contén a división administrativa	Alacantí Alcoià Alto Vinalopó Baixo Vinalopó Comtat (pt) Marina Alta Marina Baixa Vega Baja del Segura (pt) Vinalopó Mitjà
Poboación
Poboación	1.881.762 (2021) (322,97 hab./km²)
Xeografía
Superficie	5.826,45 km²
Bañado por	Golfo de Valencia
Punto máis alto	Sierra de Aitana (1.558 m)
Comparte fronteira con	provincia de Valencia provincia de Albacete provincia de Murcia
Datos históricos
Precedido por	Province of Játiva (en)
Organización política
Órgano executivo	Diputació d'Alacant (en)
• President of the Diputacion of the Province of Alicante (en)	Cesar Sanchez Perez (en) (2015–)
Identificador descritivo
Código postal	03
Fuso horario	UTC+01:00
ISO 3166-2	ES-A
Código NUTS	ES521
Código INE	03
ARGOS ID (en)	03
Páxina web	diputacionalicante.es…

A provincia de Alacant^[1] (en valenciano: Alacant, en castelán: Alicante) é a máis meridional da Comunidade Valenciana. Limita ao norte coa provincia de Valencia, ao sur coa Rexión de Murcia, ao oeste con Murcia e a provincia de Albacete (Castela-A Mancha), e ao leste co mar Mediterráneo. A súa capital é a cidade homónima de Alacant. A súa área abrangue 5.863 km², cunha poboación de 1.855.047 habitantes (2015).

As cidades da provincia que superan os 50.000 habitantes son Alacant (328.648 hab.), Elx (227.312 hab.), Torrevieja (88.447 hab.), Orihuela (82.675 hab.), Benidorm (69.045 hab.), Alcoi (59.567 hab.), Sant Vicent del Raspeig (56.302 hab.) e Elda (53.248 hab.).

A provincia posúe un relevo bastante montañoso e accidentado, salvo algúns vales fluviais do sur. As súas montañas son unha prolongación do sistema Bético, conformando varios cordais paralelos, dirixidos de suroeste a nordés, entre os que se encontran as serras de Mariola, da Carrasqueta, de Crevillent, de Salines, do Maigmó, do Cid ou de Bernia. O cume provincial é o pico de Aitana, na serra homónima, con 1.558 m de altitude, ao que lle segue o Puig Campana, con 1.406 m, e o Montcabrer, na serra de Mariola, con 1.389 m.

As zonas chás corresponden, sobre todo, á zona sur-suroeste, onde conflúen unha chaira costeira, a do Alacantí, con dúas chairas aluviais, a do Baixo Vinalopó e a do Baixo Segura (la Vega Baja), que conforman unha zona fértil de veigas e hortas con gran concentración agrícola.

A provincia de Alacant tan só conta cun curso de auga saliente, o río Segura, que flúe nos seus últimos 36 km polo Sur da provincia, na comarca da Vega Baixa ou Baix Segura. O río autóctono máis importante é o Vinalopó, que atravesa Elda e Elx. Outros cursos dignos de sinalar son, de norte a sur, os ríos Serpis, Girona, Gorgos, Algar, Amadorio, Monnegre e a Rambla de les Ovelles.

As comarcas nas que se divide a provincia son:

• El Comtat, 26.319 habitantes, capital: Cocentaina. Sita entre as serras de Mariola e Aitana, predomina nela a industria téxtil e a agricultura de secaño.
• Alcoià, con dúas subcomarcas claramente diferenciadas:
  • Valls d'Alcoi, 67.853 habitantes, capital: Alcoi. Destaca pola agricultura de secaño (oliveiras) e a industria téxtil.
  • A Foia de Castalla, 39.380 habitantes, capital: Castalla, pero a cidade máis poboada é Ibi. Destaca na industria do xoguete.
• La Marina Alta, 166.786 habitantes, capital: Dénia. É a comarca máis chuviosa e está dedica ao turismo.
• La Marina Baixa, 154.939 habitantes, capital: La Vila Joiosa. Cidade máis poboada: Benidorm. Eminentemente turística, sobreasae polas súas praias e o seu interior montañoso. Ten unha subcomarca moi pintoresca: Vall de Guadalest.
• O Alt Vinalopó, 50.870 habitantes, capital Villena. Agricultura de regadío e industria de calzados.
• O Vinalopó Mitjà, 158.932 habitantes, capital Elda. Industria de calzado, do mármore e outras. Viños e acios para mesa.
• O Baix Vinalopó, 255.676 habitantes, capital: Elx. Agricultura de regadío e máis industria do calzado. Na costa turismo.
• O Alacantí, 420.561 habitantes, capital: Alacant. Comarca de servizos e turística, fortemente urbanizada.
• O Baix Segura (tamén coñecida como Vega Baixa), 291.033 habitantes, capital: Orihuela, pero a cidade máis poboada é Torrevieja. Agricultura de regadío (hortalizas e cítricos), con turismo en todo o territorio.

A faixa costeira (Dénia, Xàbia, Calp, Benidorm, La Vila Joiosa, Alacant, Santa Pola, Torrevieja) forman a chamada Costa Branca. Nesta zona destaca a área metropolitana de Alacant-Elx, que con 725.395 habitantes é a 8ª maior aglomeración española.

Wikimedia Commons ten máis contidos multimedia na categoría:  Provincia de Alacant

• Datos e cifras da provincia de Alicant Unidad de Documentación da Deputación de Alicant