Peixe lúa
| Peixe lúa | |||||||||||||||
|---|---|---|---|---|---|---|---|---|---|---|---|---|---|---|---|
 Peixe lúa no Nordsøen Oceanarium. | |||||||||||||||
| Estado de conservación | |||||||||||||||
| Datos insuficientes | |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| 'Mola mola' (Linnaeus, 1758) | |||||||||||||||
 Probabilidade de presenza do M. mola
| |||||||||||||||
O peixe lúa (Mola mola), ou peixe roda é o peixe óseo máis pesado coñecido. Ten un peso medio de mil quilogramos. Habita en augas tropicais e temperadas arredor do mundo. Semella unha testa de peixe sen cola, e o seu corpo é aplanado polos laterais. Os peixes lúa poden ser tan altos coma longos cando estenden as súas aletas dorsais e ventrais.
Teñen unha dieta que consiste principalmente en medusas. Como esta dieta é pobre en nutrientes, consómenas en grandes cantidades para desenvolverse e manter a súa medida. As femias poñen máis ovos que calquera outro vertebrado coñecido. As crías semellan peixes globos, con grandes aletas pectorais, unha aleta caudal e espiñas corporais que non son típicas dos exemplares adultos.
Os peixes lúa adultos son vulnerables a poucos predadores naturais, pero os leóns mariños, as candorcas e os tiburóns cómenos. Os peixes lúa acotío quedan accidentalmente atrapados en redes, e tamén son vulnerables a mancarse ou morrer por causa de refugallos flotantes, como bolsas de plástico.
É un membro da orde dos tetraodontiformes, que inclúe ós peixes globo, ós peixes ourizo e ós peixes bésta, cos cales comparte moitos trazos comúns.
Peixe lúa en Galicia
[editar | editar a fonte]As capturas desta especie son sempre accidentais e adoitan ser noticias da prensa escrita. Aínda así, a sinonimia (e variantes) que recolleu Ríos Panisse nos diferentes portos da costa galega indican unha frecuencia habitual. Ademais dos nomes indicados, peixe lúa e peixe roda (ou, simplemenmte, roda), nomes derivados da súa forma plana e circular, tamén recolleu o de orellán (ou orelló e ourellán), procedentes da similitude das aletas dorsal e ventral con grandes orellas; peixe porco, pola abundancia de parasitos sobre a súa pel; petaca, pola súa forma. Cornide, Franco Grande e Eladio Rodríguez recolleron como vulgares os nomes de mola, moa e peixe moa.
Prohibición do seu consumo na Unión Europea
[editar | editar a fonte]Entre os humanos, os peixes lúa son considerados unha exquisitez nalgunhas partes do mundo, coma no Xapón, Corea e Taiwán, pero na Unión Europea está prohibido vender a súa carne[1].
Notas
[editar | editar a fonte]- ↑ Regulamento (CE) nº 853/2004, do Parlamento Europeo e do Consello, de 29 de abril de 2004, polo que se establecen normas específicas de hixiene dos alimentos de orixe animal (DO L 139, de 30.4.2004), Sección VIII: Produtos da pesca, Capítulo V: Normas sanitarias para os productos da pesca; punto E: "Non se porán no mercado produtos da pesca derivados de peixes velenosos das seguintes familias: Tetraodontidae, Molidae, Diodontidae e Canthigasteridae".
Véxase tamén
[editar | editar a fonte] |
Wikimedia Commons ten máis contidos multimedia na categoría: Peixe lúa  |
 |
Vexa a entrada do Galizionario acerca de Peixe lúa |
Bibliografía
[editar | editar a fonte]- RÍOS PANISSE, M. Carmen: Nomenclatura de la flora y fauna marítimas de Galicia (Invertebrados y peces). Anejo 7 (1977) de Verba, Universidad de Santiago de Compostela, 1977, px. 320-321.
Ligazóns externas
[editar | editar a fonte]- FishBase reference (en inglés)
- Australian Museum (en inglés)
- Large Pelagics Research Lab (en inglés)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
