Multiúsos Fontes do Sar
Datos
Coordenadas	42°52′34″N 8°31′51″O / 42.876191, -8.530752Coordenadas: 42°52′34″N 8°31′51″O / 42.876191, -8.530752
Localización	Santiago de Compostela, Galicia
Construción
Inauguración	1998
Estadio
Capacidade	6.666 (baloncesto) 6.666 (fútbol sala) 10.000 (concertos)
Propietario	Concello de Santiago de Compostela
Localía	Obradoiro CAB (ACB) Santiago Futsal (LNFS)
[ editar datos en Wikidata ]

O Pavillón Multiúsos Fontes do Sar é un pavillón cuberto multiúsos, situado en Santiago de Compostela e construído en 1998. Pertence ao concello capitalino, e está xestionado pola sociedade mixta XADE. Ten unha capacidade de 6.666 espectadores para espectáculos deportivos e de 10.000 espectadores para concertos.

Serve de feudo aos equipos Santiago Futsal de fútbol sala, Blusens Monbus Obradoiro de baloncesto, e ao Arteal de tenis de mesa.

Ten 10.000 m² de superficie e conta cun amplo ximnasio público. Nos exteriores ten piscinas ao ar libre e 700 prazas de aparcadoiro. Está situado na rúa de Diego Bernal s/n.

A afluencia media de seareiros que acudiron ós encontros do Obradoiro CAB na ACB 2009-10 foi de 5509 persoas, con máximos de 6050 espectadores (fronte ó FC Barcelona). No seguinte ano, co equipo na LEB Ouro 2010-11, a media baixou a 4297 persoas.^[1] De volta na Liga ACB, na tempada 2011-12 a media de seareiros no pavillón medrou ata os 5241.

Pola súa banda, o Lobelle FS tivo 2353 espectadores de media nos seus encontros da LNFS 2010-11, con máximos de 3900 persoas (fronte ó ElPozo Murcia).^[2] Na tempada 2011-12 a media baixou ós 1700 espectadores, cun máximo de 3500 persoas.

En abril de 2010 mais de 5000 persoas asistiron sentadas a cada unha das 8 actuacións do Cirque du Soleil co seu espectáculo Saltimbanco no Multiúsos do Sar.^[3]

Nos numerosos concertos que cada ano se levan a cabo no recinto, como os de Mark Knopfler, Joaquín Sabina, David Bisbal, Juanes, Dover, Alice Cooper, Cypress Hill, Miguel Bosé etc, a afluencia de xente ten variado dende as 9000 persoas que asistiron ó concerto de Chayanne en agosto de 2010, ós 5000 que foron a ver a The Wailers en febreiro de 2009.

O 24 de xullo de 2013 no lugar de Angrois, Sar, tivo lugar o accidente de tren máis grave da historia de Galicia e por vítimas oficiais, tamén o máis grave da historia de España por descarrilamento ferroviario. Polo menos 78 persoas faleceron no incidente. O pavillón Fontes do Sar utilizouse como tanatorio provisional pola gran cantidade de finados^[4].

• 
  Entrada do pavillón.
• 
  Encontro de fútbol praia entre as selección de Galicia e Portugal.
• 
  Montaxe do espectáculo Saltimbanco do Cirque du Soleil.
• 
  Imaxe do interior do Pavillón nun encontro de fútbol sala.
• 
  Encontro Lobelle - Azkar da tempada 2011-12.
• 
  Obradoiro CAB, nun partido contra o Lagun Aro de San Sebastián da ACB.
• 
  Bancadas supletorias nun dos fondos do pavillón.

• Lista dos pavillóns de Galicia de maior capacidade

• www.multiusos.net web dos Multiúsos de Santiago de Compostela