Lycaena tityrus
Lycaena tityrus, cópula, na parte superior a femia.
Clasificación científica
Reino: Animalia Filo: Arthropoda Clase: Insecta Orde: Lepidoptera Familia: Lycaenidae Xénero: Lycaena Especie: Lycaena tityrus Poda, 1761

Lycaena tityrus é unha bolboreta da familia Lycaenidae.^[1]

A parte superior do macho é de cor marrón con manchas negruzcas. Ao longo do bordo posterior hai unhas poucas manchas de cor laranxa. As ás dianteiras da femia son máis redondeadas e un pouco máis laranxas que no macho, e ela ten máis manchas de cor laranxa ao longo dos bordos das ás dianteiras e traseiras, pola contra, son bastante similares na parte superior.^[2]

A parte inferior é similar en ambos os sexos, dunha cor amarela agrisada, manchas escuras e manchas de cor laranxa ao longo dos bordos das ás.

A larva é de cor verde e pode chegar a ter até 20 milímetros de longo. Hiberna como larva nova.

As súas plantas hospederas son especies de acedeira Rumex como R. acetosa.

É unha especie polivoltina en lugares cálidos, de abril a outubro, bivoltina en lugares máis frescos, de maio e xuño e de xullo a setembro, voa de 50 a 2500 metros de altitude.

Habita o sur e centro de Europa, chega a Italia, Sicilia, Grecia e Turquía, o sur de Rusia, até a cordilleira de Altái. Nos países nórdicos está a nivel local en Dinamarca. En España atópase na metade norte eurosiberiana, entre os Pireneos e Galicia ademais do sistema Ibérico norte. É substituída por Lycaena bleusei en gran parte do centro Peninsular.

O seu hábitat son prados con flores.

• Fotografías e Taxonomía
• http://www.schmetterling-raupe.de/art/tityrus.htm
• Butterflies.de
• Moths and Butterflies of Europe and North Africa (inglés)
• Lycaena tityrus na web de Fauna Europaea