As linguas formosanas^[1] son un grupo de linguas austronesias faladas polos habitantes aborixes de Taiwán. Actualmente só un 2% da poboación taiwanesa fala algunha destas linguas, polo que se encontran en perigo de extinción.

As linguas formosanas considéranse actualmente un grupo parafilético que conforma a base da familia austronesia, e suxírese que do grupo paiwánico se derivaron as linguas malaio-polinesias.

Así pois, pódense considerar as linguas formosanas como orixinarias das demais linguas austronesias. A poboación moderna de orixe chinesa comezou a súa inmigración polo 1650, falaban dialectos hakka e min do sur, os cales evolucionaron até converterse no actual taiwanés, pertencente á familia sino-tibetana.

As subfamilias austronesias pódense considerar formosanas. A seguinte clasificación segue o establecido pola Austronesian Basic Vocabulary Database^[2] e as subfamilias identifícanse coas cores do mapa:      Kavalánico

• Basay
• Kavalan
• Ketagalan

     Formosano setentrional Cun 97% de confiabilidade na unidade do grupo.

• Thao (ou sao, brawbaw, shtafari)
• Chairego occidental
  • Babuza (ou favorlang, taokas, poavosa)
  • Popora-Hoanya
• Saisiyat
• Pazeh (ou kulun)
• Atayálico
  • Atayal
  • Seediq (ou truku ou taroko)

     Ami

• Sakizaya
• Nataorano (Amis Norte)
• Amis

     Bunun

• Bunun

     Tsou-Rukai (85%)

• Tsouic
  • Tsou
  • Saaroa
  • Kanakanabu
• Rukai

     Siraya

• Siraya

     Puyuma

• Puyuma

     Paiwánico O grupo malaio-polinesio e o paiwán forman unha unidade cunha confiabilidade do 75%.

• Paiwan (Sur de Formosa)
• Malaio-polinesio de grande extensión marítima/insular.