Kristianstad

Localización
56°01′14″N 14°07′32″L / 56.020638, 14.125652Coordenadas: 56°01′14″N 14°07′32″L / 56.020638, 14.125652
Estado	Suecia
Condado	condado de Escania
Municipios	concello de Kristianstad
Capital de	Kristianstad (pt) concello de Kristianstad Região Escânia (pt)
Poboación
Poboación	41.299 (2020) (1.916,43 hab./km²)
Xeografía
Superficie	2.155 ha
Punto máis baixo	Q35246173 (−2,41 m)
Identificador descritivo
Fuso horario	UTC+01:00, horario estándar UTC+02:00, horario de verán
Prefixo telefónico	044
Outro
Irmandado con	Køge (pt) Šiauliai (pt) Espoo
Páxina web	kristianstad.se

Kristianstad é unha cidade sueca no condado de Skåne e é a capital do municipio de Kristianstad. No ano 2017 tiña unha poboación de 40 653 habitantes. Durante os últimos 15 anos pasou de ser unha cidade gornición a unha desenvolvida cidade comercial.

A cidade foi fundada despois da guerra de Kalmar en 1614 polo rei Cristián IV de Dinamarca (o seu nome significa literalmente "Cidade de Cristián") como unha localidade planeada tras o incendio da próxima cidade de Vä^[1] e pasando os dereitos das veciñas Sölvesborg e Åhus ao novo asentamento. O propósito de Kristianstad era salvagardar a metade oriental da provincia dinamarquesa de Scania contra futuras incursións de Suecia dende o norte, pero tamén como símbolo do poder do propio Cristián. Unha desas incursións saqueara a cidade de Vä en 1612. Vä perdeu entón a súa carta e a xente trasladouse á nova e mellor fortificada cidade. O rei tamén fundou a cidade de Christianopel no leste de Blekinge cun propósito semellante.

A cidade foi construída dende o principio como unha fortaleza, con murallas, fosos e bastións. O obxectivo era protexela dos suecos, que devastaran a área. A cidade só foi de propiedade danesa durante uns 40 anos, ao pasar a mans suecas en 1658 tras a paz de Roskilde. Porén, os daneses regresaron durante a guerra de Skåne en 1675-1679 durante dous anos e tamén en 1710, pero só durante un mes.

A construción das cidades foi un proxecto moi prestixioso para o rei, e a igrexa de Kristianstad (danés: Trefoldighedskirken; sueco: Heliga Trefaldighetskyrkan) está considerada por moitos un dos edificios máis fermosos construídos por Cristián IV, ou incluso a igrexa renacentista máis fermosa do norte de Europa. O rei tamén quería un castelo ou fortaleza dentro da cidade, pero a escaseza de fondos fixo a súa construción imposible. Só se chegou a construír un arsenal que no presente serve como principal edificio do museo local. A planificación urbana do Renacemento puido establecerse por primeira vez na fundación da cidade. Isto fai que o centro de Kristianstad no presente estea tan ben conservado e sexa moi doado de percorrer.

O escudo de armas da cidade representa dous leóns agarrando a insignia coroada do rei Cristián IV, o monograma C4. O escudo de armas só foi lixeiramente modificado despois de que Suecia se fixese co control da cidade tras o Tratado de Roskilde de 1658 segundo o cal o terzo leste de Dinamarca era cedido a Suecia. O escudo de armas é moi semellante ao da antiga cidade de Christianopel, no leste de Blekinge, fundada tamén polo rei Cristián IV. Dende 1971, o escudo de armas é usado polo municipio de Kristianstad. Trátase dun dos poucos no mundo en representar o escudo de armas dun rei ou raíña estranxeiro. Unha razón pola que os suecos segue usando o vello escudo é polas súas cores, azul e amarelo.

Pylyp Orlyk foi elixido despois de 1709 Hetman no exilio polos cosacos e o rei sueco Carlos XII. Mentres se atopaba en Bender, Orlyk escribiu unha das primeiras constitucións estatais de Europa. Esta Constitución de Pylyp Orlyk foi confirmada por Carlos XII e tamén o nomea como "protector de Ucraína". Despois de 1714 Orlyk, desta vez xunto con varios cosacos, seguiron ao rei Carlos XII a Suecia. Orlyk, a súa familia e ao redor de 40 cosacos máis chegaron a Ystad a finais de novembro de 1715. Tras varios meses en Ystad viviron en Kristianstad durante varios anos.^[2] Orlyk escribiu numerosas proclamas e ensaios sobre Ucraína, incluída a Constitución de Pylyp Orlyk.^[3]

Kristianstad serviu como capital do condado de Kristianstad entre 1719 e 1997. No presente alberga a administración e o parlamento rexional do Consello Rexional de Skåne. Durante moito tempo Kristianstad tamén foi unha cidade gornición moi importante, o Rexemento de Artillaría A 3 Wendes e o Rexemento de Infantaría P 6 Norra skånska regementet foron as unidades militares máis famosas da cidade. Kristianstad tamén foi fogar durante moitos anos da chamada o the town housed for many years the so-called Brigada de Fortificación de Escania. O Rexemento de Artillaría Wendes serviu con distinción nas guerras napoleónicas. Unha das maiores cortes de apelación de Suecia estaba situada en Kristianstad antes de ser trasladada a Malmö en 1917.

O punto máis baixo de Suecia, a 2,41 metros por debaixo do nivel do mar, está situado en Kristianstad. Debido a isto, partes da cidade teñen que ser protexidas de inundacións por un sistema de diques e bombas de auga. Para ampliar a cidade, grandes áreas de zonas húmidas baixas tiveron que ser amuralladas, especialmente no leste. Para evitar futuras inundacións do centro da cidade, estanse a reforzar os diques e construíndose uns novos tanto contra o río Helge å como contra o lago Hammarsjön. Tamén se está construíndo un amplo sistema de estanques e encoros. A ameaza de inundacións fíxose substancial durante finais do inverno de 2002, cando a meirande parte do parque público Tivoliparken quedou asolagado.^[4] Porén, as zonas húmidas ao redor da cidade están comezando a ser consideradas un activo máis grazas á creación da reserva da biosfera de Kristianstads Vattenrike.^[5]

• Web oficial de Kristianstad

v c e Lista das 30 cidades máis poboadas de Suecia
Datos do ano 2010, segundo a Oficina Central de Estatísticas de Suecia.[1]
1. Estocolmo 1.372.565 2. Gotemburgo 549.839 3. Malmö 280.415 4. Uppsala 140.454 5. Västerås 110.877 6. Örebro 107.038 7. Linköping 104.232 8. Helsingborg 97.122 9. Jönköping 89.396 10. Norrköping 87.247 11. Lund 82.800 12. Umeå 79.594 13. Gävle 71.033 14. Borås 66.273 15. Eskilstuna 64.679 16. Södertälje 64.619 17. Karlstad 61.685 18. Täby 61.272 19. Växjö 60.887 20. Halmstad 58.577 21. Sundsvall 50.712 22. Luleå 46.607 23. Trollhättan 46.457 24. Östersund 44.327 25. Borlänge 41.734 26. Tumba 37.852 27. Upplands Väsby 37.594 28. Falun 37.291 29. Kalmar 36.392 30. Kristianstad 35.711