Kawasaki Ki-48
| Kawasaki Ki-48 | |
|---|---|
 Tres Ki-48 en formación | |
| Tipo | bombardeiro lixeiro |
| Fabricante | Kawasaki |
| Deseñado por | Takeo Doi |
| Primeiro voo | xullo de 1939 |
| Introducido | 1940 |
| Retirado | 1945 |
| Principais usuarios | Servizo Aéreo do Exército Imperial Xaponés |
| Unidades construídas | 1 997 |
O Kawasaki Ki-48 foi un bombardeiro lixeiro xaponés da segunda guerra mundial. Deseñouse en 1938 e voou por primeira vez en xullo de 1939. Foi usado polo Exército Imperial do Xapón entre 1940 e 1944. Non tivo moito éxito e deixouse de fabricar en outubro de 1944. O alcume que lle puxeron os aliados foi "Lily".
O seu desenvolvemento comezou a finais 1937 cun requirimento do exército xaponés que pedía un bombardeiro de gran velocidade, capaz de acadar os 480 km/h aos 3.000 metros, e que puidese subir ata os 5.000 metros en 10 minutos. Kawasaki inspirouse no Tupolev SB soviético.
Kawasaki tiña a experiencia do desenvolvemento do bombardeiro pesado de dous motores Ki-45, polo que se resolveron moitos dos problemas técnicos. Porén, o avión tivo gran cantidade de defectos. Podía levar só unha carga de 800 kg de bombas e só foi equipado con tres metralladoras, o que o facía moi vulnerable aos cazas inimigos. As súas características de voo tamén deixaron moito que desexar. Os cazas aliados superábano en velocidade, e en mans de pilotos inexpertos era doado que estes perdesen o seu control. A pesar de todos os seus problemas non foi considerado un fracaso e tratouse dun bombardeiro lixeiro aceptable durante os primeiros anos de guerra para moitos historiadores.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
