KK Igokea
| Igokea m:tel | |
| |
| Información xeral | |
|---|---|
| Liga | KSBiH / ABA |
| Fundación | 23 de xullo de 1973 |
| Cores | Azul, vermello, branco |
| Presidente |  Boris Spasojević
|
| Adestrador | Žarko Milaković
|
| Localización | |
| Cidade | Laktaši, Bosnia e Herc.
|
| Pavillón | Sportska dvorana Laktaši |
| Capacidade | 3.050 |
| Inauguración | 6 de outubro de 2010 |
| Campionatos | |
| Liga | 6 (2001, 2013, 2014, 2015, 2016, 2017) |
| Copa | 6 (2007, 2013, 2015, 2016, 2017, 2018) |
| igokea.rs | |
O Košarkaški klub Igokea (en serbio cirílico: Кошаркашки клуб Игокеа), coñecido por motivos de patrocinio como Igokea m:tel, é un club de baloncesto de Laktaši (República Serbia, Bosnia e Hercegovina). Actualmente compite na Košarkaško prvenstvo Bosne i Hercegovine, a máxima competición do baloncesto bosníaco, así como na Liga do Adriático. Disputa os seus partidos como local no Sportska dvorana Laktaši, recinto con capacidade para 3.050 espectadores inaugurado en 2010. É un dos club dominadores do baloncesto bosníaco da década de 2010, con múltiples campionatos de Liga e Copa.
Historia
[editar | editar a fonte]O club foi fundado o 23 de xullo de 1973 co nome de KK Potkozarje por un grupo de seareiros de Aleksandrovac que querían promocionar e ensinar os conceptos básicos do baloncesto entre a xuventude local. Con ese obxectivo, os primeiros éxitos do club chegan nas categorías de formación da antiga Iugoslavia. Na segunda metade da década de 1990, o club muda o seu nome a Igokea, pasando de dar pulo só as categorías inferiores a promocionar o seu equipo sénior. No ano 2000 constrúese un novo pavillón para o equipo, bautizado na honra de Nenad Baštinac, primeiro presidente do club. O primeiro título do Igokea chega tan só un ano despois, en 2001, cando os de Aleksandrovac conseguen gañar o campionato de Liga de Bosnia e Hercegovina. Seis anos máis tarde gañan o seu primeiro trofeo de Copa. No ano 2010, ao lograr o segundo posto na Liga, conseguen unha praza para xogar na Liga do Adiático (ABA Liga) por vez primeira na súa historia, mudándose ese mesmo ano a novo pavillón, o Sportska dvorana Laktaši, recinto con capacidaade para 3.0050 espectadores. Xa na década de 2010 convértense nun dos equipos dominadores do baloncesto bosníaco, chegando a participar en competición internacionais como a EuroCup.
Palmarés
[editar | editar a fonte]Competicións domésticas
[editar | editar a fonte]- Liga de Bosnia e Hercegovina
- Campións (6): 2001, 2013, 2014, 2015, 2016, 2017
- Copa de Bosnia e Hercegovina
- Campións (6): 2007, 2013, 2015, 2016, 2017, 2018
Notas
[editar | editar a fonte]Véxase tamén
[editar | editar a fonte]Ligazóns externas
[editar | editar a fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.
