Illa Stewart
| Illa Stewart | |
|---|---|
 Localización da illa | |
 mapa da illa | |
| Situación | |
| País |  Nova Zelandia |
| Rexión | Southland |
| Mar | Océano Pacífico |
| Coordenadas | 46°58′59″S 167°53′7″L / -46.98306, -167.88528Coordenadas: 46°58′59″S 167°53′7″L / -46.98306, -167.88528 |
| Xeografía | |
| Superficie | 1.746 km² |
| Punto máis alto | 981 m. Monte Anglem |
| Demografía | |
| Capital | Oban |
| Poboación | 381 hab. (2013) |
| Densidade | 0´22 hab./km² |
A Illa Stewart de Nova Zelandia é a terceira illa de maior tamaño deste país. Atópase situada a 30 km ao sur da illa Sur separada desta polo Estreito de Foveaux. Ten 400 habitantes aproximadamente, a maioría están establecidos na cidade de Oban.
O nome maorí para esta illa é Rakiura.
Xeografía
[editar | editar a fonte]
Posúe unha área de 1680 km².[1] É montañosa e ten un clima húmido. A zona norte desta illa está dominada polo val pantanoso do río Freshwater. Este río nace preto da costa noroeste da illa con dirección sueste na gran depresión da enseada Paterson. O maior pico é o monte Anglem, preto da costa norte, con 979 metros.
A metade sur é máis ondulada, subindo a un cordal que se estende ao sur do val do río Rakeahua, que tamén desemboca na enseada Paterson. O punto máis ao sueste cordal é o monte Allen, de 750 m. No sueste a terra é algo máis baixa, e é regada polos vales do Río Toitoi, Río Lords, e Río Heron. South West Cape nesta illa é o punto máis meridional das illas principais de Nova Zelandia.
Tres illas grandes e moitos illotes atópanse ao redor da costa. Entre elas destacan Illa Ruapuke, no estreito Foveaux a | 32 km ao nordés de Oban, Illa Codfish (Illa Bacallau), preto da costa noroeste; e a illa Big South Cape, no extremo sueste. Outras illas son grupo de illas Titi/Muttonbird, na desembocadura da enseada Paterson atópanse illa Bench, illa Native, e Ulva. A illa Pearl, Anchorage, e illa Noble, rosean Port Pegasus no sueste. Mar dentro The Snares son illas oceánicas, un volcán e algúns illotes máis pequenos, que nunca estiveron conectadas á maior illa de Stewart.
O clima da illa de Stewart é suave para temperaturas.[2] Con todo, unha guía de viaxes menciona "frecuentes chuvias que fan obrigatorias as 'botas e roupa impermeable'",[3] e outra guía di que as choivas en Oban, a capital, son de 1600 a 1800 mm. ao ano.[4]
Anomalía xeomagnética
[editar | editar a fonte]Debido a unha anomalía nos contornos de latitudes magnéticas, este lugar está ben situado para observar Aurora polar.
Historia
[editar | editar a fonte]O capitán James Cook foi o primeiro europeo en divisar esta illa, aínda que el pensou que se atopaba pegada á Illa Sur e nomeouna como "Cabo Sur", en 1770. Recentemente ao comezo do século XIX, os europeos déronse conta que era unha illa. Chamoulla Stewart en honra ao capitán William Stewart, que en 1809 foi o primeiro en facer unha carta de navegación da illa.
Cidades
[editar | editar a fonte]A única cidade é Oban, que se atopa situada na Baía Half Moon. Un asentamento anterior era Point Pegasus, que contaba con correo, varias negocios e estaba situada na costa sur da illa. Actualmente atópase deshabitada e só é accesible por mar ou logo dunha difícil excursión atravesando a illa.
Notas
[editar | editar a fonte]- ↑ Walrond, Carl (3 de setembro de 2012). "Stewart Island / Rakiura – New Zealand’s third main island". Encyclopedia of New Zealand. Manatū Taonga Ministry for Culture and Heritage. Consultado o 16 de decembro de 2012.
- ↑ "weather". Stewart Island. Stewart Island Promotion Association Inc. 2012. Consultado o 16 de decembro de 2012.
- ↑ "Weather in Stewart Island". When to go & weather. Lonely Planet. 2012. Arquivado dende o orixinal o 06 de xuño de 2014. Consultado o 16 de decembro de 2012.
- ↑ "Weather". Wilderness Experience. Raggedy Range. 2012. Consultado o 16 de decembro de 2012.
Ligazóns externas
[editar | editar a fonte] |
Wikimedia Commons ten máis contidos multimedia na categoría: Illa Stewart  |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
