Un estaleiro é o lugar onde se constrúen e reparan buques. Pode tratarse de iates, buques militares, barcos comerciais e outro tipo de barcos para transporte de mercancías, pasaxeiros e artefactos navais flotantes ou submarinos.

Entre os países que constrúen máis barcos destacan Inglaterra, Italia, o Xapón, Polonia e principalmente Corea do Sur, que co estaleiro de Hyundai Heavy Industries ten un gran potencial. A industria da construción naval tende a estar máis fragmentada en Europa ca en Asia. Nos países europeos as compañías son menores, e de orixe estatal, comparadas coas poucas compañías asiáticas.

Os estaleiros constrúense preto do mar ou de ríos navegables, para permitir o acceso dos barcos. Por exemplo, no Reino Unido construíronse nas beiras do río Támese (O rei Henrique VIII fundou estaleiros no Woolwich e Deptford en 1512 e 1513 respectivamente) e noutros ríos. Aínda que as empresas auxiliares ou que constrúen parte dos buques poden estar afastadas da costa ou do lugar onde se está a construír o buque.

Wikimedia Commons ten máis contidos multimedia na categoría:  Estaleiro

• ASTANO
• IZAR
• Bazán
• Carpintaría de ribeira