Estación de Logroño
Coordenadas: 42°27′28″N 2°26′27″O / 42.457778, -2.440833
| Logroño | |
|---|---|
 Fachada da estación en 2013. | |
| Situación | Logroño |
| Servizos |  .svg){kind=small}  .svg){kind=small} |
| Liñas | |
| Longa Distancia | Alvia, Intercity, Trenhotel |
| Media distancia | Rexional Exprés |
A estación de Logroño é unha estación de tren de Adif situada na cidade española de Logroño. Foi inaugurada parcialmente o 18 de decembro de 2011 dentro da primeira fase dun amplo proxecto urbanístico tendente a mellorar a integración do ferrocarril na cidade soterrando gran parte do seu trazado.[1]
No ano 2010, os seus servizos de Longa e Media distancia foron utilizados por preto de 170.000 viaxeiros.[2]
Situación ferroviaria
[editar | editar a fonte]A estación atópase no trazado da liña férrea de ancho ibérico que une Castejón con Bilbao por Logroño e Miranda de Ebro a 388 metros de altitud.[3]
Historia
[editar | editar a fonte]Chegada do ferrocarril
[editar | editar a fonte]A primeira estación de Logroño foi inaugurada o 21 de setembro de 1863, en presenza do Xeneral Espartero. Foi construída pola Compañía do Ferrocarril de Tudela a Bilbao que poucas semanas antes puxera en funcionamento do tramo Castejón-Orduña da liña férrea que pretendía unir Castejón con Bilbao.[4] En 1878, foi absorbida por Norte que mantivo a titularidade da estación ata a nacionalización do ferrocarril en España en 1941 e a creación de Renfe.
A estación de RENFE
[editar | editar a fonte]
O 9 de novembro de 1958, Jorge Vigón, ministro de Obras Públicas, inaugurou unha nova estación construída por RENFE.[5] Concluían así unhas obras iniciadas dez anos antes e que dotaban á cidade dun recinto de case 11.000 metros cadrados formado por un pavillón central, dúas ás laterais e dúas torres en cada extremo que contaba entre outros con despachos de billetes para a venda de billetes, estanco, bar, oficina bancaria, consigna, estafeta de correos e dependencias policiais. Incorporaba tamén unha zona de vivendas destinada aos traballadores ferrovarios. En total a obra custou algo máis de 10 millóns de pesetas.[5] O Correos Bilbao-Zaragoza foi o primeiro tren que estreou as instalacións. O 9 de agosto de 2010 foi derrubada.[6]
A estación provisional
[editar | editar a fonte]O 30 de abril de 2010 tivo lugar a apertura dunha estación provisional,[7] situada nos arredores da antiga, e cuxa función era substituír a mesma ata a construción dunha nova estación con vías soterradas froito da integración do trazado férreo na cidade. Este recinto provisional era dunha soa planta rectangular e estaba divididos en dúas zonas: unha de 324 metros cadrados para uso ferroviario e outra de 399 metros cadrados dotada de sala de espera e cafetería. Ambas estaban separadas por un paramento de vidro.[7] Contaba ademais con puntos informativos, aseos, quiosco, locais de alugueiro de vehículos e venda de billetes. No exterior dispúxose dun aparcadoiro de 109 prazas. Cumprida a súa función, en abril do 2012 foi totalmente desmantelada.[8]
A nova estación
[editar | editar a fonte]O 18 de decembro de 2011 o Alvia Bilbao-Barcelona estreou a nova estación de Logroño. Era o punto álxido da primeira fase das obras de integración ferroviaria realizados na cidade e que supoñerán o soterramento de case 1.400 metros da liña férrea que une Castejón con Bilbao.[9] Este novo recinto foi ideado polos arquitectos Iñaki Ábalos e Juan Herreros gañadores do Concurso Internacional para a Integración Urbana do Ferrocarril na Cidade de Logroño que foi convocado pola Sociedade Logroño Integración do Ferrocarril 2002.[9]
Conta cun vestíbulo en superficie de algo máis de 1.500 metros cadrados, unha nave de plataformas na planta inferior dotada de cinco vías e dúas plataformas centrais e dunha cuberta exterior en forma de lomba artificial de máis de 8.000 metros cadrados de carácter transitable.[9] Dispón de venda de billetes, aseos, locais comerciais, servizo de cafetería e consigna. As instalacións completaranse coa construción de pártea sur do edificio e cun aparcadoiro subterráneo cuxas obras se iniciarán tras a demolición da estación provisional.[9]
O acceso principal sitúase na fachada oeste aínda que se prevé un segundo acceso pola fachada sur do edificio e unha terceira saída de emerxencia polo lado norte.
Servizos ferroviarios
[editar | editar a fonte]Longa distancia
[editar | editar a fonte]Actualizado a 6 de xullo de 2016.
Media distancia
[editar | editar a fonte]Actualizados a 6 de xullo de 2016.
| Liña | Trens | Orixe/Destino | <> | Destino/Orixe |
|---|---|---|---|---|
| 22 | Rexional Exprés | Zaragoza-Delicias | Logroño | |
| 22 | MD | Salamanca | Logroño |
Notas
[editar | editar a fonte]- ↑ Os cidadáns acoden á inauguración da nova estación de tren de Logroño Larioja.com
- ↑ Anuario do ferrocarril, ano 2011 editado pola Fundación de los Ferrocarriles Españoles y Vía Libre.
- ↑ Logroño (Est.) Euroferroviarios.
- ↑ "Castejón de Ebro á Bilbao (vía Logroño y Miranda de Ebro)". Spanish Railway (en castelán). Consultado o 2022-04-09.
- ↑ 5,0 5,1 O ministro de obras públicas inaugura a nova estación de tren de Logroño Diario ABC
- ↑ Derrubada a antiga estación de Logroño El Correo
- ↑ 7,0 7,1 A estación provisional do ferrocarril de Logroño abre as súas portas mañá aos viaxeiros Diario 20minutos.
- ↑ A estación nova, estación demolida Larioja.com
- ↑ 9,0 9,1 9,2 9,3 O domingo entra en servizo a nova estación de ferrocarril de Logroño Revista Vía Libre.
Véxase tamén
[editar | editar a fonte]Ligazóns externas
[editar | editar a fonte] |
Commons ten máis contidos multimedia sobre: Estación de Logroño |
- Información na web de Adif Arquivado 09 de agosto de 2016 en Wayback Machine.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
