Cullera

Brasón
Localización
39°09′58″N 0°15′10″O / 39.166, -0.2527Coordenadas: 39°09′58″N 0°15′10″O / 39.166, -0.2527
Estado	España
Comunidade autónoma	Comunidade Valenciana
Provincia	provincia de Valencia
Comarcas da Comunidade Valenciana	Ribera Baixa (pt)
Capital	Cullera
Poboación
Poboación	23.753 (2023) (441,51 hab./km²)
Lingua oficial	lingua catalá (lingua predominante)
Xeografía
Superficie	53,8 km²
Bañado por	Mar Mediterráneo e Río Xúcar
Altitude	2 m
Comparte fronteira con	Corbera (pt) Llaurí (pt) Sueca Fortaleny (pt) Favara (Espanha) (pt) Tavernes de la Valldigna
Identificador descritivo
Código postal	46400 e 46408
Fuso horario	UTC+01:00
Código INE	46105
ARGOS ID (en)	46105
Outro
Irmandado con	Syktyvkar (pt) (1997–)
Páxina web	cullera.es

Cullera é un municipio da Comunidade Valenciana que se atopa na comarca da Ribera Baixa.

O municipio situado na ribeira do río Xúcar e xunto ao mar Mediterráneo, atópase a preto de 40 km da capital Valencia. Accédese a esta localidade dende a Cap i Casal tomando a V-31 e posteriormente a N-332 e despois de pasar Sueca virar á esquerda para seguir pola CV-5040.

Cullera, xunto cos termos municipais de Valencia, Alfafar, Sedaví, Catarroja, Massanassa, Albal, Beniparrell, Silla, Sollana, Sueca, Albalat de la Ribera e Algemesí, forma parte do Parque Natural da Albufeira. Nesta localidade desemboca o río Xúcar, irrigando o termo municipal de Cullera enteiro, mediante un sistema de regadío deseñado na época de dominación musulmá. O Xúcar tamén irriga practicamente toda a comarca da Ribera Baixa. Á parte do río Xucar, tamén existe a lagoa de L'Estany, situada na parte sur do termo municipal con desembocadura no mar, este é un lugar de pesca habitual.

Ao norte e nun recuncho da montaña, atópase a balsa de Sant Llorenç, este é un gran estanque rodeado de canas e coa fauna autóctona do Parque Natural da Albufeira. O termo municipal de Cullera esténdese ao longo dunha chaira, cuxa única elevación é a Muntanya de les Rabosses (montaña das Raposas), cunha altura máxima de 233 m, sendo o último contraforte do Sistema Ibérico antes de chegar ao mar. O nome da montaña débese a que nunha época habitaban moitos coellos, facendo que tamén se atopase o raposo no mesmo hábitat; nos últimos tempos por mor da especulación urbanística e a explotación turística de cando en cando adoita verse algún raposo, excepto en contadas ocasións. Desta montaña cabe destacar que pola súa situación xeográfica, desde a cal se controlan todos os arredores, sempre estivo habitada e utilizada como atalaia, feito constatado polo castelo musulmán reformado máis tarde polos cristiáns, e a principios do século XX volta a reformarse para albergar un santuario, moito máis recente é o forte na parte máis elevada da montaña, que data da época das guerras carlistas.

No termo municipal de Cullera sitúanse os seguintes núcleos de poboación:

• Sant Antoni de la Mar
• El Far
• El Dosser
• El Brosquil
• El Mareny de Sant Llorenç
• El Marenyet
• L'Estany
• El Racó
• La Bega
• El Port
• El Raval de Sant Agustí
• La Vila

O termo municipal de Cullera limita cos de Sueca, Corbera, Fortaleny, Llaurí, Favara, Polinyà de Xúquer e Tavernes de la Valldigna.

Commons ten máis contidos multimedia sobre:  Cullera

• País Valencià, poble a poble, comarca a comarca, de Paco González Ramírez.
• Secció "Poble a poble" do Diari Parlem.
• Institut Valencià d'Estadística.
• Portal da Direcció General d'Administració Local da Generalitat.