Cornelius Colbert
Biografía | |
---|---|
Nacemento | 19 de outubro de 1888 Condado de Limerick |
Morte | 8 de maio de 1916 (27 anos) prisión de Kilmainham |
Causa da morte | ferida por arma de fogo |
Lugar de sepultura | cemiterio de Arbour Hill |
Datos persoais | |
País de nacionalidade | Irlanda |
Actividade | |
Ocupación | político |
Membro de | |
Carreira militar | |
Lealdade | Óglaigh na hÉireann |
Rango militar | capitán |
Conflito | Alzamento de Pascua |
Cornelius Colbert ou Conchur Ó Colbaird en irlandés (tamén coñecido como Conn Colbert), nado en Castlemahon (Condado de Limerick) o 19 de outubro de 1888 e finado na prisión de Kilmainham (Dublín) o 8 de maio de 1916, foi un rebelde irlandés e un dos fundadores do Fianna Éireann. Pola súa implicación no Alzamento de Pascua de 1916 foi fusilado na prisión de Kilmainham
Traxectoria
[editar | editar a fonte]Colbert naceu na localidade de Moanleana, en Castlemahon (Condado de Limerick), sendo o cuarto fillo máis novo dun total de trece irmáns.[1] A familia trasladouse á vila de Athea (Condado de Limerick) cando tiña tres anos. Cando tiña dezaseis anos abandonou Athea e foi vivir coa súa irmá Catherne a Ranelagh (Condado de Dublín). Continuou a súa educación nunha escola dos Irmáns Cristiáns en North Richmond street. Colbert traballou nas oficina de Kennedy's Bakery en Dublín.[2] Colbert era profundamente católico e se abstiña de fumar, beber ou xurar.[3]
Fianna Éireann
[editar | editar a fonte]Conn converteuse en instrutor en St. Enda's School, fundada por Pádraig Pearse, como membro da Fianna Éireann. En 1913 foi o membro mais novo dos Voluntarios Irlandeses.[2] Tamén se uniu á Irmandade Republicana Irlandesa.
Alzamento de Pascua
[editar | editar a fonte]Nas semanas anteriores ao Alzamnto, actuou como gardián de Thomas J. Clarke.[2] Durante o Alzamento, loitou en Watkin's Brewery, Jameson's Distillery e Marrowbone Lane.[2] Thomas MacDonagh ás 15:15 horas do domingo 30 de abril rendiuse ao Brigadier-Xeneral Lowe.
Colbert rendiuse coa Marrowbone Lane Garrison xunto coa South Dublin Union Garrison, que estaba liderada por Eamonn Ceannt.[4] Cando a orde de renderse foi enviada, asumiu a comandancia da súa unidade para salvar a vida do seu oficial superior, que era un home casado.[2]
Foron enviados aos cuarteis de Richmond Barracks, onde Colbert foi sometido a un xuízo militar. Trasladado á prisión de Kilmainham, o sábado 7 de maio comunicóuselle que sería fusilado á mañan seguinte. Escribiu non menos de dez cartas durante o seu tempo en prisión. Durante o tempo que pemaneceu detido, non se lle permitiu ningunha visita da súa familia.[5]
Colbert foi executado por un pelotón de fusilamento a mañá do 8 de maio de 1916.
Legado
[editar | editar a fonte]- A Colbert Railway Station de Limerick recibe o seu nome no seu honor.
- A Con Colbert Road de Dublín recibe o seu nome no seu honor.
- Fianna Fáil Cumann na Universidade de Limerick recibe o seu nome no seu honor.
- A Colbert Street de Athea (Condado de Limerick) recibe o nome no seu honor.
Notas
[editar | editar a fonte]- ↑ Michael Madden Captain Con Colbert Defender Watkins Brewery Marrowbone Lane Distillery Area Easter 1916 (Limerick,1983)
- ↑ 2,0 2,1 2,2 2,3 2,4 D.J. Hickey & J. E. Doherty, A New Dictionary of Irish History from 1800, Gill & MacMillan (Dublin), ISBN 0-7171-2520-3, Pg.75
- ↑ http://www.taoiseach.gov.ie/eng/index.asp?docID=2518
- ↑ Piaras F. Mac Lochlainn, Last Words, The Stationery Office (Dublin), ISBN 0-7076-0101-0, pg.145
- ↑ Piaras F. Mac Lochlainn, Last Words, The Stationery Office (Dublin), ISBN 0-7076-0101-0, pg.146
Véxase tamén
[editar | editar a fonte]Ligazóns externas
[editar | editar a fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.