Entre o 29 de setembro e o 22 de novembro^[1] de 1818 celebrouse na cidade alemá de Aquisgrán un congreso diplomático para decidir sobre a retirada do exército de ocupación de Francia e a entrada deste país no concerto das grandes nacións europeas que se vira a luz no Congreso de Viena e no Tratado de París que establecía unha nova orde europea. Coñecido como o congreso dos reis, por participaren varios monarcas nas sesións, as delegacións estaban encabezadas polo tsar Alexandre I de Rusia, acompañado por Karl Robert Nesselrode, Francisco I de Austria acompañado de Christian Günther von Bernstorff e Karl August von Hardenberg, o rei Frederico Guillerme III de Prusia acompañado por Metternich, os representantes británcios eran Arthur Wellesley Wellington e Robert Castlereagh e o francés Armand Emmanuel du Plessis, duque de Richelieu. Tras acordarse a retirada de Francia conferenciouse sobre a forma a adoptar pola alianza europea e como actuar no caso dunha hipotética revolta en Francia.

• 
  Francisco I de Austria
• 
  Alexandre I de Rusia
• 
  Frederico Guillerme III de Prusia
• 
  Duque de Wellington
• 
  Príncipe Metternich de Austria
• 
  Conde Capo d'Istria de Rusia
• 
  Conde Nesselrode de Rusia
• 
  Príncipe Hardenberg de Prusia
• 
  Duque de Richelieu por Francia