Cerbère

Localización
42°26′36″N 3°09′53″L / 42.4433, 3.1647Coordenadas: 42°26′36″N 3°09′53″L / 42.4433, 3.1647
Estado	Francia
Divisións administrativas	Francia Metropolitana
Rexións	Occitania
Departamento	Pireneos Orientais
Poboación
Poboación	1.257 (2021) (153,67 hab./km²)
Xeografía
Situado na entidade territorial estatística	Banyuls de la Marenda metropolitan concentration area (en)
Superficie	8,18 km²
Altitude	0 m-643 m
Comparte fronteira con	Portbou Banyuls-sur-Mer
Organización política
• Mayor of Cerbère (en)	Jean-Claude Portella (en) (1995–)
Identificador descritivo
Código postal	66290
Fuso horario	UTC+01:00, horario estándar UTC+02:00, horario de verán
Páxina web	cerbere-village.com

Cerbère (en catalán: Cervera de la Marenda) é unha comuna francesa situada no departamento dos Pireneos Orientais, na rexión do Languedoc-Rosellón. Pertence ao distrito de Céret e ao cantón de Côte Vermeille e contaba con 1.573 habitantes en 2008.

Cerbère é o municipio francés máis oriental que é limítrofe con España. Limita concretamente con Portbou, na provincia de Xirona.

Limita con Banyuls-sur-Mer e con Portbou (España). A súa altitude oscila desde os 0 m ao nivel do Mediterráneo ata os 643 m nas Albères.

Forma parte da Costa Vermella.

No lugar que hoxe ocupa a comuna de Cerbère atopáronse numerosos restos prehistóricos, e tamén é citada en documentos tanto da Idade Antiga como da Idade Media, pero será no século XIX cando a historia de Cerbère dará un tombo radical.

O 1864 asinouse un acordo entre España e Francia para facer pasar polo Col des Belitres o ferrocarril entre os dous estados e de construír as estacións fronteirizas de Portbou e de Cerbère, que foi inaugurada en 1878. O tránsito rapidamente logrou unha grande importancia e dado a diferenza de anchura das vías españolas e francesas foi necesaria a construción de grandes instalacións para facilitar o transbordo de mercancías.

Creceu considerablemente a poboación e en 1889 creouse a comuna de Cerbère que non parou de crecer ata moi pasada a metade do século XX cando a mecanización de moitas tarefas, a competencia doutros medios de transporte e máis adiante a supresión das barreiras aduaneiras supuxo unha certa redución dos postos de traballo.

O papel económico da estación de Cerbère continúa sendo bastante importante, a pesar de todo, como o testemuñan os 2,5 millóns de toneladas de mercancías (1998) ou os 15.000 trens anuais que transitan.

Hai que destacar tamén o incremento das actividades turísticas.

• Igrexa parroquial de San Salvador de Cerbère, construída nos anos 1880.
• Pedra Dreta, monumento megalítico.
• Estación internacional, edificada en 1878.
• Hotel Belvédère du Rayon Vert, construción de 1932.
• Faro do Fin do Mundo.
• Cantís e praia de Bou Fallut.

Wikimedia Commons ten máis contidos multimedia na categoría:  Cerbère

• Cerbère no sitio web do Institut géographique national (en francés)
• Cerbère no sitio web do Insee (en francés)