Castelo de Blarney
Concello	Blarney
Provincia	Munster, Irlanda
Coordenadas	51°55′44″N 8°34′15″O / 51.928888888889, -8.5708333333333Coordenadas: 51°55′44″N 8°34′15″O / 51.928888888889, -8.5708333333333
Estilo arquitectónico
Estilo orixinal	Castelo medieval (1210)
Estilo actual	Reconstruído en 1446 (estrutura actual)
Estado actual	Parcialmente en ruínas
Véxase tamén
Castelos de Irlanda
[ editar datos en Wikidata ]

O Castelo de Blarney (en irlandés: Caisleán na Blarnan) é unha fortaleza medieval que se atopa no concello irlandés de Blarney, preto de Cork e do río Martin.

O castelo actual é o terceiro que se construíu no mesmo lugar. O primeiro foi unha estrutura de madeira do século X, mentres que o segundo data de 1210 e a madeira foi substituída por pedra. Porén, posteriormente foi derrubado e en 1446 construíuse un novo castelo por orde de Dermot McCarthy, rei de Munster. A aparencia actual é a do terceiro castelo^[1].

O castelo atópase hoxe en día parcialmente en ruínas mais conta con algunhas estancias e cuartos aos que se pode acceder. Na parte superior, a carón das ameas, atópase a Pedra da Elocuencia, máis coñecida como Pedra de Blarney, que atrae a moitos turistas. Dise que bicar a pedra pendurado no aire e de costas proporciona o don da elocuencia.

Arredor do castelo hai grandes xardíns e varios camiños que levan a formacións rochosas curiosas que levan por nome Druid's Circle, Witch's Cave e Wishing Steps. A Casa Blarney, unha mansión de estilo escocés de 1874, tamén se atopa preto do castelo e está aberta ao público.^[2]

• 
  Bicando a Pedra da Elocuencia.
• 
  Imaxe de 1897.
• 
  A pedra dende o chan.
• 
  Casa Blarney.
• 
  Wishing Steps.
• 
  Vista dos xardíns e a casa Blarney.

Wikimedia Commons ten máis contidos multimedia na categoría:  Castelo de Blarney

A Galipedia ten un portal sobre: Irlanda

• Hamlyn, Kate (2007), "Blarney Castle: Myth and Reality", Irish Arts Review (2002–) 24 (4): 126–129, JSTOR 25503636

• Páxina oficial do castelo de Blarney (en inglés)