CD Universidad de Sevilla
| Nome | Unión Aljarafe Sevilla CD Rugby Mairena – Universitario Sevilla CR | ||
|---|---|---|---|
| Alcume(s) | Cocos Cocodrilas | ||
| Fundación | 1968 | ||
| Sede | Sevilla, España  | ||
| Estadio(s) | I.D. La Cartuja | ||
| Capacidade | 1,932 espectadores | ||
| Presidente | José Luis Gómez Cordones (Mairena Rugby) Mariola Rus Rufino (Cocos Rugby) | ||
| Adestrador | Saúl Espina (Mairena Rugby) Pablo Arévalo (Cocos Rugby) | ||
| Liga(s) | División de Honra Feminina | ||
| 2023-24 | Cuartos de final | ||
| |||
| Na rede | |||
| http://www.rugbysevilla.es | |||
Unión Aljarafe Sevilla, é un club de rugby español. O club compite na actualidade na Liga Iberdrola, 1o nivel do club feminino español de rugby, competición que gañou 2 veces, baixo o nome de Universidade de Sevilla CR , e actualmente coñecido como Ghenova Cocos Rugby para propósitos de patrocinio.[1][2][3]
A selección masculina disputa o torneo autonómico de Andalucía baixo o nome de Club Deportivo Rugby Mairena.[4] O club ten a súa sede en a cidade de Sevilla na comunidade autónoma de Andalucía. Xogan en negro e verde.[5]
Historia
[editar | editar a fonte]Foi fundado en 1968 co nome de Medicina Club de Rugby, sendo así un dos clubs mais antigos do rugby andaluz. Pasou en 1985 a chamarse Universitario de Sevilla Club de Rugby, nome co cal acadou varios campionatos universitarios, e despois de 1992, intégrase na estrutura do Club Deportivo Universidad de Sevilla.
Na tempada 1993-94 o Univ.Sevilla compite por vez primeira na División de Honra do rugby nacional, e remata na última posición da táboa, polo cal descende. Non obstante, na tempada 1996-97 estivo de volta na máxima categoría, e nesa ocasión logrou a permanencia cun 8º posto final. O club permaneceu 3 anos na Liga ata que descendeu de novo, pero só por un ano. Na tempada 2000-01 o Univ.Sevilla volveu á División de Honra, e no seu primeiro ano de volta na elite acadou o subcampionato nacional de liga, a mellor participación na súa historia. Nas vindeiras edicións da liga o equipo rematou tres veces sexto e na tempada 2004-05 noveno, o que lle valeu o descenso.
En 2006 rematou a colaboración coa Universidade de Sevilla, o club cedeu os seus dereitos deportivos ó CD Rugby Mairena, tamén de Sevilla, que se fusionou co Universitario de Sevilla para crear o Club de Rugby Unión Aljarafe Sevilla (nome actual do equipo). Como herdeiro directo da estrutura do CD Universidad de Sevilla, no CRU Aljarafe Sevilla traballan tódolos vellos socios e colaboradores do equipo. Así temos o C.D. Rugby Mairena que compite en todas as categorías de rugby masculino existentes en Andalucía dende xabaríns ata sénior. E ata 2017 tamén competiu na División de Honra B (a segunda división española) baixo o nome de Helvetia Rugby.
Por outra banda, temos o Universitario de Sevilla CR que compite en categoría feminina, sendo un dos clubs de Andalucía con maior tradición e tras varios anos seguidos disputando a fase de ascenso á División de Honra feminina, en 2018 logrou gañar a División de Honra B e ascender á máxima categoría. Ser o primeiro equipo andaluz en conseguilo. As súas orixes como club remóntanse aos anos 60, é dicir, somos un club con máis de 50 anos de experiencia, tempo no que tivemos varios nomes ata chegar á situación actual: C. R. Medicina, Universitario de Sevilla C.R., Universidade de Sevilla… [6]
Nos últimos anos tiveron varios éxitos deportivos a nivel colectivo e individual, con xogadores internacionais que mesmo disputaron campionatos do mundo coa selección española. A nivel colectivo disputaron tempadas en todas as categorías nacionais e autonómicas existentes, acadando un subcampión da División de Honra (máxima categoría nacional) na tempada 2000/01, ou unha Copa F.E.R., así como outras F.A.R. copas (Federación Andaluza de Rugby) e campionatos autonómicos.
Trala cesión de tódolos seus dereitos deportivos, na actualidade o CD Universidad de Sevilla tan só ten un equipo competindo en categorías rexionais andaluzas.
Referencias
[editar | editar a fonte]- ↑ "Ghenova pon o seu nome ao equipo de rugby feminino que patrocina" [Ghenova nomea así o equipo feminino de rugby que patrocina]. Diario de Sevilla (en castelán). 2023-06-11. Arquivado dende o orixinal o 2023-06-11.
- ↑ "El Corteva Cocos, CAMPEÓN con mayúsculas y muy del Sur (36-29)" [El Corteva Cocos, Campión con maiúsculas e un orgullo ao Sur (36-29)]. Diario de Sevilla (en castelán). 2022-04-10. Arquivado dende o orixinal o 2023-06-23. Consultado o 2023-06-23.
- ↑ "Anuario 2020-2021" [Yearbook 2020-2021] (PDF) (en castelán). FERugby. p. 42. Arquivado dende o orixinal (PDF) o 2023-06-23. Consultado o 2023-06-23.
- ↑ "1ª Rexional – Clasificación" [1a Rexional – Clasificación]. FARugby.com (en castelán). Arquivado dende o orixinal o 2023-06-23. Consultado o 2023-06-23.
- ↑ "Guía 2022/23 Liga Iberdrola de Rugby" [Iberdrola Rugby League, Guide 2022/23] (PDF) (en castelán). Federación Española de Rugby. p. 5. Arquivado dende o orixinal (PDF) o 2023-06-19. Consultado o 2023-06-19.
- ↑ "Historia del club" [Club history]. Unión Aljarafe Sevilla (en castelán). Arquivado dende o orixinal o 2023-06-23. Consultado o 2023-06-23.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.
