Barbastro

Localización
42°02′12″N 0°07′38″L / 42.03653715, 0.12718234Coordenadas: 42°02′12″N 0°07′38″L / 42.03653715, 0.12718234
Estado	España
Comunidade autónoma	Aragón
Provincia	Provincia de Huesca
Capital de	Somontano de Barbastro
Capital	Barbastro
Contén a división administrativa	Barbastro Burceat (en)
Poboación
Poboación	17.295 (2023) (160,74 hab./km²)
Lingua oficial	Lingua aragonesa (lingua predominante)
Xeografía
Superficie	107,598163 km²
Altitude	341 m
Comparte fronteira con	Fonz (pt) Castillazuelo Salas Bajas (pt) Hoz y Costeán (pt) Laluenga (pt) Ilche Berbegal (pt) Castejón del Puente (pt) Estadilla (pt)
Datos históricos
Evento clave agosto de 1064 (Gregoriano) Guerra de Barbastro (pt)
Organización política
• Alcalde	Antonio José Cosculluela Bergua
Identificador descritivo
Código postal	22300
Fuso horario	UTC+01:00
Código INE	22048
Outro
Irmandado con	Saint-Gaudens
Páxina web	barbastro.org

Barbastro é unha cidade e concello aragonés, pertencente á provincia de Huesca. No ano 2001 tiña 15 053 habitantes. É a cabeza da comarca do Somontano de Barbastro e sede epicopal.

É unha antiga cidade sita na chaira aragonesa, próxima ao lugar onde o río Vero se xunta co Cinca. Na súa comarca prodúcese un viño acollido á denominación de orixe Viño de Samontano. É un núcleo de servizos e comercio que centraliza a actividade dos vales dos Pireneos orientais.

Dista 21 km da cidade de Huesca e 67 km da Lleida.

A cidade identifícase coa antiga Bergidum ou Bergiduna, incluíaa nun principio na provincia da Hispania Citerior, e logo na Tarraconense . Foi unha importante praza forte árabe do Al-Ándalus norte, varias veces tomada e perdida polos cristiáns. En 1101, Pedro I de Aragón tomouna definitivamente. Como cidade episcopal acolleu varios sínodos diocesanos e provinciais. Nalgunha ocasión reuníronse nela as Cortes de Aragón (1134 e 1626). No 1137 casaron aquí a princesa Petronila e o conde de Barcelona, Ramón Berenguer IV, acto polo que ficaron unidos Cataluña e Aragón, para formar o Reino de Aragón.

Durante a Guerra Civil, Barbastro ficou inicialmente dentro do bando republicano, producíndose asasinatos de persoas consideradas do bando oposto, como os mártires de Barbastro. Acabada a guerra, efectuouse unha dura represión de persoas de diversas tendencias republicanas por parte do franquismo.

Por mor do seu pasado histórico, Barbastro goza dun saliente patrimonio arquitectónico, do que cómpre destacar:

• Catedral, edificio tardo gótico ergueito entre 1500 e 1533.
• Pazo Episcopal, dos séculos XVI-XVII.
• Palacio de Argensola, dos séculos XVI-XVII.
• Casa Zapatillas, do século XVIII.
• Igrexa da Santa Fe, do século XVI secolo.
• Igrexa de San Francisco, do século XVI.
• Igrexa do antigo Hospital de San Xulián, do século XVI.
• Igrexa dos Misioneiros, do século XX.
• Santuario da Virxe de Pueyo, do século XIII, sito nun outiro nas aforas da cidade.
• El Almerge, restos dunha igrexa románica da cal se conserva a ábsida e parte dun muro.

• A 23 km está Alquézar, aldea pintoresca, sobre un penedo na beira o río Vero, coroada por un castelo árabe, oríxe do seu nome.
• A 28 km sitúase El Grado, lugar cunha notábel colexiata gótica do século XV, e cunha presa artificial de vastas proporcións.

• Festa da Natividade da Virxe, do 4 ao 8 de setembro con corridas, pasacalles e concertos.
• Festa de San Ramon, o 31 de xuño, co o Torno de fuego, no que se acenden fogueiras en todos os barrios.
• Festa del Crespillo, 25 de marzo, fanse doces en todas as casas, que en parte se regalan aos presentes.
• Festival do viño do Somontano, na primeira semana de agosto, do xoves ao domingo.
• Romaría, no Santuario de Nosa Señora do Pueyo, o luns de Pascua, con festa no campo.

• Web Oficial (en castelán)
• Historia do barrio do Entremuro (en castelán)
• Meteoroloxía e climatoloxía de Barbastro (en castelán)
• Centro da UNED de Barbastro (en castelán)

Wikimedia Commons ten máis contidos multimedia na categoría:  Barbastro