Apollo 7
Insignia da misión
Datos da misión
Misión:	Apollo 7
Nome dos módulos:	Módulo de mando: Apollo 7
Rampla de lanzamento:	Centro Espacial Kennedy, Florida LC 39A
Engalaxe:	11 de outubro de 1968 15:02:45UTC
Amaraxe:	22 de outubro de 1968 11:11:48 UTC 27°38′N 64°09′O / 27.633, -64.150
Duración:	10 d 20 h 9 min 3 s
Número de órbitas:	163
Apoxeo:	297 km
Perixeo:	231 km
Período:	89,78 min
Inclinación orbital:	31,63º
Masa:	CSM: 14.781 kg
Foto da tripulación
E-D: Eisele, Schirra e Cunningham
Outras misións
Anterior misión Seguinte misión Apollo 6 Apollo 8

O Apollo 7 foi o cuarto voo espacial do programa norteamericano Apollo (denominado oficialmente AS-205), lanzado o día 11 de outubro de 1968 mediante un foguete do tipo Saturno IB e coa primeira tripulación composta polos astronautas Walter M. Schirra -comandante-, Donn F. Eisele e Walter Cunningham.

A nave foi posta nunha órbita de aparcadoiro (entre 230 e 285 km de altura) e durante as 163 órbitas á Terra comprobouse o funcionamento da cápsula espacial C.M. e do módulo de servizo, así como os sistemas de comunicacións.

Tamén se probou un atraque espacial coa terceira fase do foguete Saturno, á que se achegou ata estar a uns 15 metros de distancia, simulando así a unión co módulo lunar.

Durante o voo acendeuse o motor principal en oito ocasións para efectuar correccións de traxectoria, e realizouse en directo a primeira transmisión das manobras realizadas, que puideron ver na Terra millóns de persoas.

Tras 10 días de misión, a amaraxe efectuouse o 22 de outubro de 1968 a menos de 15 quilómetros do lugar previsto para o seu descenso, a 7 mn (13 km) ao norte do buque de recuperación designado, o USS Essex. O voo durou 260 horas, 8 minutos e 58 segundos.

Wikimedia Commons ten máis contidos multimedia na categoría:  Apollo 7

• Proxecto Apollo