Amoeba proteus
| Amoeba proteus | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| Amoeba proteus | |||||||||||||||
Amoeba proteus (antes chamada Chaos diffluens), é unha especie de protozoos, principal representante do xénero Amoeba. O nome proteus déuselle polo antigo deus grego Proteo, que podía cambiar de forma, igual que fai esta ameba, debido á emisión de expansións chamadas pseudópodos, que utiliza para moverse e capturar por fagocitose pequenos organismos unicelulares. Estes, unha vez capturados, quedan dentro dun vacúolo dixestivo, onde son dixeridos encimaticamente. Vive en ambientes de auga doce e aliméntase doutros protozoos, incluídas outras amebas máis pequenas, algas, e rotíferos (invertebrados). O seu tamaño é variable segundo expanda os seus pseudópodos e adoita estar entre 220-740 microns, o que é un tamaño considerable para un protozoo.[1] Como contén fitocromos coloreados, A. proteus pode presentar diversas cores ollada ao microscopio, polo que as hai de aspecto amarelo, verdoso, púrpura etc. Presenta un vacúolo contráctil mediante o cal expulsa o exceso de auga da célula, facendo deste modo unha osmorregulación.[2] O vacúolo está rodeado de pequenas vesículas que traen a auga.
A. proteus posúe un núcleo celular, que contén cromatina granular. Está relacionada coas amebas xigantes do xénero Chaos pero este é un xénero multinucleado. O seu xenoma é moi grande, con 290 mil millóns de pares de bases (outra ameba relacionada, como é Polychaos dubium supéraa con 670 mil millóns), polo que é moito máis grande que o xenoma humano (de só 2,9 miles de millóns de pares de bases).[3]
Galería de vídeos
[editar | editar a fonte]Notas
[editar | editar a fonte]- ↑ "Amoeba proteus". Amoebae on the Web. Arquivado dende o orixinal o 13 de abril de 2009. Consultado o 23 de outubro de 2013.
- ↑ Nishihara E, Shimmen T, Sonobe S (2004). "Functional characterization of contractile vacuole isolated from Amoeba proteus". Cell Struct. Funct. 29 (4): 85–90. PMID 15665503. doi:10.1247/csf.29.85.
- ↑ Winstead, Edward R. (12 February 2001). "Sizing up genomes: Amoeba is king". Genome News Network.
Véxase tamén
[editar | editar a fonte]Outros artigos
[editar | editar a fonte]| Control de autoridades |
|
|---|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
