Ángel Durán Villanovo
| Biografía | |
|---|---|
| Nacemento | 1859  Cariño, España |
| Morte | 15 de marzo de 1939 (79/80 anos) |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | médico , empresario |
| Lingua | Lingua castelá |
Ángel Durán Villanovo, nado en Feás (Cariño, daquela pertencente ao concello de Ortigueira) en 1859 e finado o 15 de marzo de 1939,[1] foi un médico e empresario galego.
Traxectoria
[editar | editar a fonte]Estudou Medicina na Universidade de Santiago de Compostela. Comezou a exercer como médico na súa vila natal. Doutorouse en Madrid en 1880, e puxo unha consulta na Coruña, no nº 113 da rúa de Santo André.
Como empresario investiu en negocios como unha fábrica téxtil de punto, que trasladou da Coruña a Viveiro. Tivo tamén serradoiros, muíños e unha central hidroeléctrica, primeiro para uso propio e despois para comercializar electricidade.
Foi un pioneiro dos novos medios de transporte. En 1878 adquiriu un velocípede para se mover polas parroquias da zona, considerado o o primeiro biciclo de Galicia.[2] Vendeu o velocípede ao italiano Attilio Pontanari. En 1898 mercou o primeiro coche que houbo na Coruña, un Benz Viktoria chegado á cidade en barco e coñecido como "o coche do demo".[3] Ángel Durán tivo tamén unha empresa de transporte de viaxeiros e outra de construción de vehículos.
Vida persoal
[editar | editar a fonte]Casou con Pilar Cao e foi pai de María del Pilar, Mercedes, Carmen, María Luisa, Angel, Antonio e Emilio Durán Cao. Foi antepasado do xurista Emilio Durán Corsanego.
Notas
[editar | editar a fonte]- ↑ Necrolóxica en La Voz de Galicia, 15-3-1940, p. 4.
- ↑ González Martín, X. (2007): 120 anos de ciclismo galego. Vigo, Editorial Galaxia, páx. 12. ISBN 9788471541161
- ↑ La Voz de Galicia, 8 de marzo de 1898.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
