València Bratach a' bhaile Gearradh-arm no Seula
Suidheachadh
Dùthaich	An Spàinn
Ceàrn	València
Sgìre	Co-chomann València
Co-chomharran	39° 29' Tuath 00° 22' Ear
Feartan fiosaigeach
Farsaingeachd	134.65 km²
Àireamh-shluaigh	809,267 (2010)
Dlùths	6,010.15/km²
Àireamh fòn	+ 34 963
Duilleag oifigeil	Duilleag Oifigeil

‘S e baile mòr agus port^[1] cudromach air oirthir an ear na Spàinne a th’ ann València (IPA Catalanais: va'lensia, IPA Spàinntis: ba'lenθja). Chaidh e a stèidheachadh mu 137 Ro Chrìosd le Saighdearan Ròmanach. Sgrìobh Livius gur ann às an fhacal Laideann Valentia, a tha a’ ciallachadh fearalas, a bha an t-ainm.^[2] Tha València suidhichte air a’ Mhuir Meadheanach, aig 10m os cionn ìre na mara,^[3] ri taobh na h-aibhne Turia.^[4] Tha València 307km air falbh bho Mhadrid, prìomh-bhaile na Spàinne, agus 291km bho Bharcelona.^[5] Tha 809,267 daoine a’ fuireach ann an València,^[6] am baile as motha anns a' Cho-chomann València agus an treas baile na Spàinne.^[7] Chaidh an Llotja, neo Maragaidh Shìoda, ainmeachadh na Àite Dualchas na Cruinne le UNESCO.^[8] A bharrachd air sin, ‘s e prìomh-bhaile na Roinne València a th’ann València cuideachd.

Tha cuid a luchd-rannsachaidh dhen bheachd gur ann à Valentia Edetanorum, (IPA: waˈlentia, Gàidhlig: Gaisge) ann an Laideann a th' ann an t-ainm air sàilleabh gun tug an sgìre gu seann shaighdearan arm nan Ròmanach anns an dàrna linn.^[9] Chleachadh an t-ainm بلنسية‎ (Balansiyya) airson na sgìre^[10] air fad agus مدينة التراب (Medina at-Turab) airson a’ bhaile ann an Arabais ro 1245 – ‘s e an abhainn Turia a shruthas tron bhaile fhèin. Chaidh fuaimneachadh an ainm atharrachadh fad na linn gu nàdarra gu baˈlenθja ann an Spàinntis – ged a thathar ga fhuaimnechadh ann an dòigh gu math dlùth air Laideann ann an Catalanais: w → b agus t → s.

Chuireadh ainm a’ bhaile air an roinn nuair a chaidh a stèidheachadh ann an 1833.^[11]

A rèir figearan an Riaghlatais, 's e an Lùnastal a' mhìos as teotha agus 's e am Faoilleach a' mhìos as fhuaire ann an València.^[12] Cha thuit ach 475mm de dh'uisge air a' bhaile fad na bliadhna - 698mm nas lugha na Steòrnabhagh (1173mm)^[13] - leis gur e àite gu math tioram a th' ann.

• Borriol

• Lucía Etxebarría: Sgrìobhadair

• Bologna, An Eadailt
• Mainz, A' Ghearmailt
• Valencia (Carabobo), A' Bheiniseala
• Sacramento, Na Stàitean Aonaichte
• Odesa, An Ùcrain
• Burgos, An Spàinn
• Veracruz, Meagsago

1. ↑ Puerto de Valencia
2. ↑ Oilthigh Huntsville
3. ↑ Mongabay
4. ↑ Valencia VIP
5. ↑ Distance Calculator
6. ↑ Cunntas-sluaigh na Spàinne
7. ↑ Bailtean na Cruinne
8. ↑ UNESCO
9. ↑ Astin. E., The Cambridge Ancient History, Cambridge University Press, 1989, ISBN 978-0-521-23448-1.
10. ↑ Las Provincias
11. ↑ Ethnoterritorial Concurrence and Imperfect Federalism in Spain
12. ↑ Aemet
13. ↑ Oifis na Sìde

• Riaghaltas na Roinne
• Riaghaltas na Coimhearsnachd le Fèin-riaghlaidh