Cáceres Bratach a' bhaile Gearradh-arm no Seula
Suidheachadh
Dùthaich	An Spàinn
Ceàrn	Cáceres
Sgìre	Extremadura
Co-chomharran	39° 29' Tuath 06° 22' Ear
Feartan fiosaigeach
Farsaingeachd	1,750.33 km²
Àireamh-shluaigh	93,131 (2009)
Dlùths	53.21/km²
Àireamh fòn	+ 34 927
Duilleag oifigeil	Duilleag Oifigeil

’S e baile mòr air an àirde an iar na Spàinne a th’ ann Cáceres (IPA: kaθeɾes, Estremeñu: Caçris). Chaidh e a stèidheachadh mu 79 Ro Chrìosd le Quintus Caecilius Metellus Pius.^[1] Tha Cáceres suidhichte shuas air a' chòmhnard àrd ann an Extremadura ris an canar Llanos de Cáceres,^[2] aig 403m os cionn ìre na mara,^[3] faisg air an Abhainn Guadiloba.^[4] Tha Cáceres 241km air falbh bho Mhadrid, prìomh-bhaile na Spàinne, agus 743km bho Bharcelona.^[5] Tha 93,131 daoine a’ fuireach ann an Cáceres,^[6] an darna baile as motha ann an Extremadura agus an 72mh baile na Spàinne.^[7] Chaidh e ainmeachadh na Àite Dualchas na Cruinne le UNESCO ann ann 1986.^[8] A bharrachd air sin, ‘s e prìomh-bhaile na Roinne Cáceres a th’ann Cáceres cuideachd.

Tha luchd-rannsachaidh dhen bheachd gur ann à castrum/castris (Gàidhlig: campa) ann an Laideann a tha an t-ainm, o chionn's gu robh camp an airm ann fo na Ròmanaich. 'S e facal a tha co'dhàimheil le caer sa Chuimris agus cathair sa Ghàidhlig. Tha cuid eile a' cumail gur ann à Caesaria (Gàidhlig: Áite a' Cheusair). Thathar dhen bheachd gu robh bailtean air an robh Colonia Norbensis Caesarina agus Castra Caecilia faisg air làimh. A dh'aindeoin sin, tha teòiridh eile ann a chanas gur e dìreach facal air Choireigin ann an Laideann air arabachadh gu Cazires.

Mar a b’àbhaist san Spàinn, chuireadh ainm a’ bhaile air an roinn nuair a chaidh a stèidheachadh ann an 1833.^[9]

• Lùchairt na Golfines Shuas
• Lùchairt na Golfines Shìos
• Lùchairt Comendador de Alcuescar
• Lùchairt- Daingneach na Torreorgaz
• Lùchairt Easbaigeach
• Lùchairt Carvajal (15mh Linn)
• Lùchairt Godoy
• Lùchairt Mayoralgo
• Taigh Mòr na Sande
• Lùchairt na Veletas
• Lùchairt Cáceres-Ovando
• Taigh a’ Mhoncaidh
• Lùchairt Toledo-Moctezuma
• Taigh na Grèine
• Taigh Mudejar
• Taigh na Carvajal y Ulloa

• Eaglais agus Taigh Cràbhach an Naoimh Phòl (15mh Linn)
• Taigh Cràbhach a’ Chomainn Iosaid, nòs Barroque
• Eaglais Mhòire, (13mh Linn), nòs Gotach
• Eaglais an Naoimh Mhata, (15mh Linn)
• Eaglais an Naoimh Francisco Javier (18mh Linn), nòs Gotach
• Eaglais an Naoimh Iain (13mh linn gu ruige 15mh linn
• Dìthreabh an Naoimh Antoine
• Eaglais Santo Domingo
• Dìthreabh na Sìthe
• Eaglais an Sheumais

• Piano di Sorrento, An Eadailt
• Norma, An Eadailt
• Gàsa, Raon Ghàsa
• Netanya, Iosrael
• Castelo Branco, A' Phortagail
• Portalegre, A' Phortagail
• Blois, An Fhraing
• La Roche-sur-Yon, An Fhraing
• Santiago de Compostela, An Spàinn
• Santo Domingo, Poblachd Dhoiminicia

1. ↑ Cáceres RomanaTeamplaid:Fix/category^{[dead link]}
2. ↑ Extremambiente
3. ↑ Mongabay
4. ↑ Pueblos de EspañaTeamplaid:Fix/category^{[dead link]}
5. ↑ Distance Calculator
6. ↑ Cunntas-sluaigh na Spàinne
7. ↑ Bailtean na Cruinne
8. ↑ UNESCO
9. ↑ Ethnoterritorial Concurrence and Imperfect Federalism in Spain

• Riaghaltas na RoinneTeamplaid:Fix/category^{[dead link]}
• Riaghaltas na Coimhearsnachd le Fèin-riaghlaidh