Barbosa Bratach a' bhaile Gearradh-arm no Seula
Mapa a' bhaile
Sealladh air a' bhaile
Suidheachadh
Dùthaich	Coloimbia
Roinn	Antioquia
Sgìre	Valle de Aburrá (A' Ghleann Aburrá)
Àirde	1350m
Co-chomharran	6° 26' Tuath 75° 320' Iar
Feartan fiosaigeach
Farsaingeachd	208 km²
Àireamh-shluaigh	42,439 (2005)
Dlùths	204.03/km²
Duilleag oifigeil	Riaghaltas Bharbosa

'S e baile-mòr anns A' Ghleann Aburrá a tha ann am Barbosa. Tha e faisg air Medellín ann an Antioquia,^[1] Coloimbia.^[2] Tha Barbosa na phàirt dhen Ceàrn Cathaireil a' Mhedellín. Chaidh am baile a stèidheachadh ann an 1795.

Fhuair am baile an t-ainm aige bho Dhiego Fernández de Barbosa, an duine a cheannaich am fearann far a bheil am baile an an 1795.^[3] 'S e Hatillo de Barbosa agus Llanos de Barbosa na ciad ainmean a bha air a' bhaile, bho dhà fhacal ann an Spàinntis: Hatillo (tuathanas cruidhe) le freumhan anns an fhacal Gotach Fata (Aodach)^[4] agus llanos (tìr còmhnard rèidh) bhon fhacal Laideann Planus.^[5] 'S e meanbhar a th' ann -illo, dìreach mar -ag anns a' Ghàidhlig.^[6]

Tha 42,439 nan tàmh anns a' bhaile, agus 23,831 dhuibh a' fuireach anns na sgìrean dùthchasail am broinn crìochan a' bhaile, .^[7] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[8] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e daoine geala a th' ann a' mhòr-chuid dhe na daoine ann am Barbosa (is mòran dhuibh mestizos), chan eil Tùsanaich ann ach tha 4% dhe daoine le freumhan ann an Afraga. 'S urrainn dhan 91,4% dhe na daoine ann am Barbosa leughadh agus sgrìobhadh. A tuilleadh air sin, tha fòn aig an taigh aig 78% dhe na dachannan.^[9]

Thathar a’ cumail am iomadach seòrsa dhe fhèis ann an Barbosa. Chithear fèilltean caitligeach, leis gur e dùthaich le mòr-chuid Chaitligeach a th' ann fhathast,^[10] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

• Fèis an Neo-eisimeileachd: 20mh An t-Iuchar.
• Fèis Neo-eisimeileachd na roinne: 11mh an Lùnasdal.

An t-sìde ann am Barbosa (Medellín)

1. ↑ Mapa oifigeil na roinneTeamplaid:Fix/category^{[dead link]}
2. ↑ Dùthchannan aig SMO
3. ↑ Fiosrachadh a' Chomhairle
4. ↑ Real Diccionario de la Lengua
5. ↑ Real Diccionario de la Lengua
6. ↑ Spanish About.com
7. ↑ Figearan Oifis a' Chunntas-sluaigh
8. ↑ Cololmbia Virtual
9. ↑ Bileag fhiosrachaidh DANE
10. ↑ Country Studies: Colombia