Titus Leeser
Titus Leeser | ||
![]() | ||
![]() | ||
Titus Leeser by syn brûnsplastiken (provinsjehûs Súd-Hollân) | ||
persoanlike bysûnderheden | ||
echte namme | Titus Jules Gerard Karl Leeser | |
nasjonaliteit | ![]() | |
berne | 14 oktober 1903 | |
berteplak | Keulen ![]() | |
stoarn | 3 maaie 1996 | |
stjerplak | Swol | |
wurkpaad | ||
wurksum as | byldhouwer, Keunstskilder, yllustrator | |
jierren aktyf | 1927 - 1996 |
Titus Jules Gerard Karl Leeser (Keulen, 14 oktober 1903 – Swol, 3 maaie 1996) wie in Nederlânsk byldhouwer, skilder en yllustrator fan Dútsk komôf.
Biografy
[bewurkje seksje | boarne bewurkje]Leeser waard berne yn Keulen as soan fan in dramaturch en in aktrise. Hy studearre yn 1921 en 1922 yn De Haach oan de Akadeemje fan Byldzjende Keunsten en ferfear dêrnei nei de Akademie der Bildenden Künste yn München, dêr't er oant 1927 studearre by ûnder oaren de skilder Angelo Jank (1868-1940). Yn de jierren tritich rekke er yn de salon fan de Swolske abbekaat Harro Bouman en syn frou Carina bedroene mei ûnder oaren de skriuwers Adriaan Roland Holst, M. Vasalis en J.C. Bloem en de akteur Albert van Dalsum. Hy wie yn dy jierren tekenlearaar en ûntwurp boekomslaggen en boekbannen foar ferskate útjouwerijen, bygelyks foar Utjouwerij Callenbach yn Nijkerk. Njonken dat ûntwurp er oanplakbiljetten en reklamegrafyk (bygelyks filmaffysjes).
Yn 1950 krige er de Priis fan de Stichting Keunstnersferset. Hy ûntwurp in oantal monumintale wurken ta oantins fan de oarloch en dejingen dy't sneuvele binne - ien fan de bekendste stiet yn syn lettere wenplak Swolle (oant 1973 wenne Leeser yn Ommen). Yn it Oarlochsmonumint Swol, yn it Ter Pelkwijkpark, binne wurden fan Victor van Vriesland beitele. Leeser ûntwikkele earst nei de oarloch in eigen plastyske styl en dêryn ûntploaide er ek syn skeppende krêft. Neist byldhouwurken makke er tekeningen. De 'kop' by it grêf fan de dichter J.C. Bloem (yn Paasloo) is fan Leeser.
Njonken syn wurk rekke Leeser stadichoan ek belutsen by tal fan keunstorganisaasjes. Hy wie foarsitter fan de Nederlânske seksje fan de Association d'Art Plastique en ficefoarsitter fan de ynternasjonale ried fan bestjoer. Teffens wie er lid fan de Nederlandse Kring van Beeldhouwers, it Skilderkundich Genoatskip Pulchri en fan de Kulturele Ried fan Oerisel. Hy eksposearre, benammen yn de jierren fyftich en iere jierren sechtich, ûnder oare yn Sonsbeek, Pulchri en it Gemeentemuseum fan Arnhim. Wurk fan Leeser is opnaam yn de kolleksjes fan it Museum Henriette Polak yn Sutfen en yn museum De Wieger yn Deurne.
Leeser wie fan jongs ôf oan warber yn de scoutingbeweging; sadwaande wie er ien fan de treners op de earste Gilwelltrening dy't yn Nederlân holden waard fan 9 oant en mei 23 july 1923 op Gilwell Ada's Hoeve yn Ommen. Hy makke ek in protte omslachûntwerpen en yllustraasjes foar scoutingpublikaasjes.
Wurken
[bewurkje seksje | boarne bewurkje]In kar:
-
Provinsjaal fersetsmonumint Oerisel
-
Nasjonaal Monumint foar de 4e Kommando Brigade, Flissingen
-
Oarlochsmonumint Swol
-
Mariniersmonumint, Rotterdam
-
Herstellende en helpster, De Haach
-
Monumint Englandspiel
-
Bandungmonumint
-
Kofjedrinker, Amstelfean
-
Bloem, Paasloo
Literatuer
[bewurkje seksje | boarne bewurkje]- Redeker, H. (1985) Titus Leeser, beeldhouwer. Swolle: Waanders.
Boarnen, noaten en/as referinsjes: |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.