Tara Holiday
Tara Holiday | ||
![]() | ||
![]() | ||
persoanlike bysûnderheden | ||
echte namme | ûnbekend | |
nasjonaliteit | ![]() | |
berne | 11 maaie 1967 | |
berteplak | Santiago (Sily) | |
etnisiteit | ![]() | |
wurkpaad | ||
wurksum as | neakenmodel, pornoaktrise | |
jierren aktyf | 2010 – 2015 | |
offisjele webside | ||
www.taraholidayxxx.com |
Tara Holiday, echte namme ûnbekend (Santiago, 11 maaie 1967), is in rêstend Sileensk neakenmodel en pornografysk aktrise. Hja sette yn 2010 útein mei in wurkpaad yn 'e Amerikaanske pornoyndustry en spile yn frijwat films. Yn 2015 beëinige Holiday har karriêre as pornoaktrise.
Libben en karriêre
[bewurkje seksje | boarne bewurkje]Holiday waard yn 1967 berne yn 'e Sileenske haadstêd Santiago. Har earste baan hie se as balletdosinte foar bern. Yn 2010 ferfear Holiday nei de Feriene Steaten, dêr't hja har nei wenjen sette yn Los Angeles en in karriêre as pornoaktrise begûn. Datselde jiers makke se op 43-jierrige leeftyd har debút yn in pornografyske film.
Neffens de Internet Adult Film Database (IAFD) spile se neitiid yn krapoan hûndert Amerikaanske pornofilms, dy't benammentlik ta it subsjenre fan 'e milfpornografy hearden. Dêrby wurke se û.m. foar sokke foaroansteande labels as Digital Sin, Score, Evil Angel, Zero Tolerance, Devil's Film, Red Light District, Diabolic Video en New Sensations. Fierders hat se ek wol wurke foar minder bekende studio's, lykas Pure Play Media, Third Degree Films en Mile High Media. En teffens hat se in protte yn 't spier west foar pornowebsiden op it ynternet, wêrûnder BangBros, Reality Kings, Brazzers en Naughty America.
Under har karriêre as pornoaktrise wurke Holiday gear mei froulike kollega's as Mischa Brooks, Chastity Lynn, Janet Mason, Allison Moore en India Summer, en mei manlike tsjinspilers as Mike Adriano, Danny D, Shane Diesel, Billy Glide, Johnny Sins, Bruce Venture en Mark Wood. Hja omskriuwt harsels as in "Latina-cougar" en hâldt fan sporten, lekker iten, ritsjes yn achtbanen en skydiving. Op har offisjele webside hjit it dat hja in Bolle is, "en dus net allinne trou en leafdefol, mar ek boartlik en yntelligint." Yn 2015 beëinige Holiday har wurkpaad yn 'e pornografy. Sûnt wurket hja as fysioterapeut en estetika.
Lichemsskaaimerken
[bewurkje seksje | boarne bewurkje]Tara Holiday is blank, mei blauwe eagen en (fan natuere) rodzich hier. Neffens har offisjele opjefte is se 1.60 m lang, mei in gewicht fan 50 kg, en kupmaat 34D, dêr't se in boarstfergruttingsoperaasje foar ûndergien hat. Behalven troch har earlellen hat Holiday gjin piercings, mar wol hat se ferskate tatoeaazjes, te witten op har ûnderrêch, loftsboppe har skamstreek en op har lofterankel.
Keppelings om utens
[bewurkje seksje | boarne bewurkje]- (in) Offisjele webside fan Tara Holiday
- (in) Biografy en filmografy fan Tara Holiday yn 'e Internet Movie Database (IMDb)
- (in) Biografyske gegevens en filmografy fan Tara Holiday yn 'e Internet Adult Film Database (IAFD)
- (in) Biografyske gegevens fan Tara Holiday op FreeOnes
Boarnen, noaten en/as referinsjes: | ||
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.