Shakey Sam
sjonger en/of muzikant
persoanlike bysûnderheden
echte namme	Simon Vlietstra
nasjonaliteit	Nederlânsk
berne	17 maaie 1950
berteplak	Frjentsjer
stoarn	16 maaie 1981
stjerplak	Sint-Jabik
etnisiteit	Frysk
wurkpaad
sjenre	Blues
sjongtaal	Ingelsk
ynstrumint	Gitaar
jierren aktyf	1972-1981

Simon Vlietstra, alias Shakey Sam, (Frjentsjer, 17 maaie 1950 - Sint-Jabik, 16 maaie 1981), wie in Frysk bluessjonger en -gitarist. Neist syn one-man-band, hie Shakey Sam ek de Shakey Sam Blues Band, in fjouwerman formaasje.

Hy skreau him yn 1972 yn foar it Larensk Jazzfestival (3e priis) en yn datselde jier die er mei oan it Bilzenfestival. Yn 1974 spilet er yn it foarprogramma fan it 'American Blues Legends-Konsert'. Datselde jier slút er him oan by de Amsterdamske formaasje Barrelhouse. Novimber 1974 nimt hy mei Barrelhouse in lp op, mar ferlit yn 1975 de groep om persoanlike redenen en foarmet de 'Shakey Sam Blues Band'. De earste besetting bestiet út: Shakey Sam, Apple Rammers, David Gardeur & Jan Dijkstra (Ubrabaya). Mei dy besetting waarden ûnder oare konserten joen mei Big John Wrencher, Cousin Joe, Eddie ‘Guitar’ Burns. Yn 1976 wurdt Appie Rammers ferfongen troch Jan de Jong. Yn maaie folget dan de earste soloplaat fan 'Shakey Sam'. It wie de reden foar de útnûging om in Ingelske toernee te dwaan. Ein 1976 folgen live radio-optredens yn “Sesjun”. Yn 1977 ferfong Leo Roodhof (Nancy and the Sinatras) Jan Dijkstra en yn 1978 ferskynde wer in lp. Maart 1979 wie de groep opnij te hearren yn Sesjun (tegearre mei Eddie Boyd). Der kaam in drummerswikseling –der stiene twa lp’s op steapel– en oer in single waard ûnderhannele. Op 16 maaie 1981, in dei foar syn 31e jierdei, naam Shakey Sam (Simon Vlietstra) in drastysk beslút en die himsels te koart.

Yn it Frjentsjerter Teater De Koornbeurs waard yn 2006 en 2011 in 'Shakey Sam Tribute festival' oer de ‘Frjentsjerter Old Shatterhand‘ organisearre.

• De Shakey Sam Blues Band by www.discogs.com
• Op youtube binne tal fan muzykfilmkes fan Shakey Sam (en band) te finen.