Niederbergheim
| Niederbergheim | ||
| ||
| Emblemen | ||
| ||
| Polityk | ||
| Lân |  Dútslân
| |
| dielsteat |  Noardryn-Westfalen
| |
| Lânkreis |  Soest
| |
| Gemeente |  Warstein
| |
| Sifers | ||
| Ynwennertal | 1208 (31.10.2020) | |
| Oerflak | 41,32 km² (mei Allagen) | |
| Befolkingsticht. | 29 ynw./km² | |
| Hichte | 236 m | |
| Kaart | ||
  | ||
Net te betiizjen mei Niederbachheim, in plak yn Rhein-Lahn-Kreis.
Niederbergheim is in plak yn de Kreis Soest yn de Dútske dielsteat Noardryn-Westfalen. It plak is ûnderdiel fan de gemeente Warstein en bestiet (geografysk besjoen) út de dielen Niederbergheim en Oberbergheim.
Op 1 oktober 2020 hie Niederbergheim 1208 ynwenners.
Skiednis
[bewurkje seksje | boarne bewurkje]Yn it agraryske doarp Niederbergheim stie oan de ein fan de 15e iuw noch in Augustynsk kleaster. De út Niederberghiem ôfkomstige bierbrouwer Steffen waard yn 1617 it slachtoffer fan de heksejachten yn Hirschberg.
Oant de mei yngong fan 1 jannewaris 1975 ynfierde gemeentlike herfoarming hearde Niederbergheim ta de gemeente Allagen yn it amt Warstein, dat doe in Ortsteil fan Allagen fan de stêd Warstein waard. Dat hong tegearre mei de oergong fan 'e gemeente Arnsberg nei de lânkring Soest. Pas yn 1991 waard Niederbergheim, dat net yn it lêste plak troch de romtlike skieding altyd in eigen identiteit hie, in selsstannige Ortsteil.
Ynfrastruktuer
[bewurkje seksje | boarne bewurkje]Yn Niederbergheim kruse de B516 en de L856. De ôfrit Soest-Ost van de A44 leit op 10 km ôfstân fan Niederbergheim. De busline R51 Soest-Warstein fan de RLG betsjinnet it plak. Yn it doarp is der in gemeentlike beukerskoalle, in pear hânwurkwinkels, in bakker, ferskate restaurants en twa campings. Der is in basisskoalle yn it njonkenlizzende Allagen en der binne middelbere skoallen yn de stêden Warstein, Rüthen en Soest.
Bysûnderheden fan it doarp
[bewurkje seksje | boarne bewurkje]De hjoeddeiske Antoniuskapel waard om 1490 hinne boud en hâldt nei alle gedachten ferbân mei de oprjochting fan it earder neamde kleaster. De âldste boufaze is it hjoeddeiske part fan de toer, yn 1921 wie der in útwreiding.
De bekendste attraksje is de Niederbergheimer Mühle, dy't yn de 18e iuw boud waard. De wettermûne waard nei alle gedachten al healwei de 16e iuw as enerzjyboarne brûkt.
De Heimatverein Niederbergheim hat oan it fytspaad fan Belecke nei Möhnesee in âlde horizontale seachkonstruksje omboud ta technysk kultuermonumint. It is in oantinken dat in soad minsken iuwenlang yn it doarp libben fan boskbou en houtferwurking. De seachkonstruksje komt fan in houtseagerij yn Niederbergheim, dy't yn 1978 stillein waard.
Yn it súdwesten fan Niederbergheim leit de 318 m hege Lüsenberg.
By de Lieth by Oberbergheim, tusken Niederbergheim en Allagen, waard troch it doarpsinisjatyf Allagen-Niederbergheim it Skywalk Möhnetal as ûnderdiel fan in grutter projekt oanlein.
It gebiet fan it Merpketal (noardwesten fan Ober-en Niederbergheim) is begjin 2015 yn opdracht fan it distriktsbestjoer fan Arnsberg tsjin it sin fan de ynwenners fan Niederbergheim oanwiisd as natuergebiet .
Ofbylden
[bewurkje seksje | boarne bewurkje]-
loftfoto fan Niederbergheim -
loftfoto fan Oberbergheim -
Niederbergheimer wettermûne -
Antonius- en St. Lusia-Kapel Niederbergheim -
De twa campings by Niederbergheim -
Fakwurkhûs yn Niederbergheim
| Boarnen, noaten en/as referinsjes: | ||
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
