Jentsje Popma
Jentsje Popma | ||
![]() | ||
![]() | ||
Popma by de ûntbleating fan it byld fan Piet Paaltjens (1986) | ||
persoanlike bysûnderheden | ||
echte namme | Jentsje Popma | |
nasjonaliteit | ![]() | |
berne | 30 septimber 1921 | |
berteplak | Swol | |
stoarn | 28 septimber 2022 | |
stjerplak | Ljouwert | |
etnisiteit | ![]() | |
wurkpaad | ||
wurksum as | Byldzjend Keunstner | |
streaming | Ekspresionisme, Modernisme | |
bekendste wurk(en) |
Anne Vondeling (1981), hoeke Lytse Tsjerkestrjitte/Nijstêd, Piet Paaltjens (1986), Westerplantaazje | |
jierren aktyf | 1946-2015 |
![](https://upload.wikimedia.org/wikipedia/commons/thumb/c/ca/Wandschildering%28_sgraffito%29_%28Joure%29.jpg/220px-Wandschildering%28_sgraffito%29_%28Joure%29.jpg)
Jentsje Popma (Swol, 30 septimber 1921 - Ljouwert, 28 septimber 2022) wie in Frysk byldzjend keunstner.
Popma krige syn opliedingen oan de Keunstakademy yn Rotterdam en de Ryksakademy foar Byldzjende Keunsten yn Amsterdam. Hy wie dosint oan Akademy Minerva yn Grins. Hy wie learmaster fan ûnder oare Gosse Dam en Douwe Elias. Hy wie byldhouwer en keunstskilder en skildere benammen it lânskip. Hy makke yn opdracht û.o. glês-yn-lead, glês yn beton, glês-applique, sânstriele ramen, reliëfs, koperplastiken en graffity. Ek makket er portretten en bylden yn brûns. Healwei de jierren tachtich realisearre er him hoe't natoer en lânskip stadichoan nei de barbysjes gongen. Doe't er 65 west hie, naam er himsels foar de grutte opdrachten de opdrachten te litten en him tenei inkeld noch oan it lânskip te wijen. Hy rôp syn kollega's, feriene yn de 'frije'skilderferiening Frija, op om dêr ek mear omtinken oan te jaan, en wol op in earlike manier, sûnder falske romantyk. Suvere ûnoantaaste lânskipsbylden sa't Jac. P. Thijsse se kennen hat, bestiene ommers net mear, de keunstner wie langer oanwiisd op it kultuerlânskip.
Hy wenne yn Ljouwert en hie syn atelier oan de Potmargewâl. De muorreskildering 'de hynsteblom' fan it eardere Mariënburg siert dêr in muorre.Yn 2007 is de Aed Levwerd Pommeranten Priis oan him takend.
By gelegenheid fan syn 100e jierdei yn 2021 wie der in grutte oersjochtentoanstelling yn de Grutte Tsjerke fan Ljouwert, organisearre troch de Stifting Nijkleaster der't Popma syn kolleksje oan neilitten hat. Teffens ferskynde by dy gelegenheid it boek Kunstenaar met een missie skreaun troch Jan Henk Hamoen[1][2] en krige Popma de Fryske Anjer 2021 foar syn bydragen oan de byldzjende keunst yn Fryslân.
Jentsje Popma ferstoar yn Ljouwert op 28 septimber 2022 yn 'e âldens fan 100 jier.
Wurk
[bewurkje seksje | boarne bewurkje]- Anne Vondeling (1981), hoeke Lytse Tsjerkestrjitte/Nijstêd
- Piet Paaltjens (1986), Westerplantaazje
- Monumint Pieter Stuyvesant (1955), Pieter Stuyvesantwei
- Pieter Stuyvesant (1955), Tjerk Hiddesstrjitte
-
Stuyvesant yn Wolvega (1955)
-
Stuyvesant yn Skerpenseel (1955)
-
Vlucht van Kennis (1959)
-
Kij
-
Anne Vondeling (1981)
-
Piet Paaltjens yn Ljouwert (1986)
Keppeling om utens
[bewurkje seksje | boarne bewurkje]![]() |
Ofbylden dy't by dit ûnderwerp hearre, binne te finen yn de kategory Jentsje Popma fan Wikimedia Commons. |
Boarnen, noaten en/as referinsjes: |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.