Ierde
![](https://upload.wikimedia.org/wikipedia/commons/thumb/c/cb/The_Blue_Marble_%28remastered%29.jpg/220px-The_Blue_Marble_%28remastered%29.jpg)
![](https://upload.wikimedia.org/wikipedia/commons/thumb/a/a8/NASA-Apollo8-Dec24-Earthrise.jpg/220px-NASA-Apollo8-Dec24-Earthrise.jpg)
De Ierde (symboal: ) is, fan de sinne ôf, de tredde planeet fan ús sinnestelsel, yn in baan tusken Fenus en Mars yn. De Ierde is de planeet dêr't wy op libje.
Ofstannen
[bewurkje seksje | boarne bewurkje]De Ierde stiet likernôch 149.600.000 kilometer fan de sinne, dêr't er yn 365,2425 dagen omhinne draait. De Ierde hat in trochsnee fan 12.756,3 kilometer, en draait yn likernôch 24,3 oeren om syn as. De draaiïngsas fan de Ierde stiet net rjocht op de baan fan de Ierde, wat de oarsaak is fan de jiertiden. Om de Ierde draait de Moanne.
Eigenskippen
[bewurkje seksje | boarne bewurkje]De Ierde is de ienige planeet yn ús sinnestelsel mei in oerflak dat foar in part wetter is. It wetter is mear as 70% fan de oerflakte, en de grutte fjilden lân en wetter foarmje de sân wrâlddielen en de fiif oseanen. De atmosfear fan de Ierde is foar it grutste part stikstof, mar ek noch foar mear as in fiifde soerstof. Der is ek in lyts part koalsoer, mar troch fotosynteze wurdt dat ôfbrutsen, en komt de soerstof wer frij.
Sjoch ek
[bewurkje seksje | boarne bewurkje]Text is available under the CC BY-SA 4.0 license; additional terms may apply.
Images, videos and audio are available under their respective licenses.