Hünstetten
Flagge	Wapen
Polityk
Lân	Dútslân
Dielsteat	Hessen
Lânkring	Rheingau-Taunus-Kreis
Sifers
Ynwennertal	10.452 (31.12.2020)
Oerflak	50,56 km²
Befolkingstichtens	207 / km²
Hichte	377 m
Oar
Tiidsône	UTC+1
Simmertiid	UTC+2
Koördinaten	50° 13´N 8° 10´E
Webside	hünstetten.de

Hünstetten is in gemeente yn de Rheingau-Taunus-Kreis yn de Dútske dielsteat Hessen. De gemeente wurdt fanút Wallbach bestjoerd. Hünstetten is in lanlike gemeente en de measte minsken wurkje bûten de gemeentegrinzen, fral troch de goede ferbinings yn it Rhein-Main-Gebiet.

Hünstetten leit yn de Taunus noardlik fan de belangrykste berchkaam tusken Limburg an der Lahn en Wiesbaden.

De gemeente bestiet út tsjien plakken, wêrfan't Ketternschwalbach neffens ynwennertal it lytst is en Wallrabenstein mei goed twatûzen ynwenner it grutst.

Wapen	Plak	Ynwennertal
	Bechtheim	900
	Beuerbach	1169
	Görsroth	1703
	Kesselbach	1043
	Ketternschwallbach	464
	Limbach	670
	Oberlibbach	713
	Strinz-Trinitatis	926
	Wallbach	1089
	Wallrabenstein	2056
Meiïnoar	Hünstetten	10733

Fynsten út de tiid fan de Michelsbergkultuer yn de omkriten fan Beuerbach tsjûgje fan in bewenning sûnt de stientiid fan 4400 f. Kr. oant 3500 f. Kr.

Yn it ramt fan de weryndielings yn de dielsteat Hessen ûntstie op 31 jannewaris 1971 de gemeente Hünstetten út de earder selstannige gemeenten Beuerbach, Kesselbach, Ketternschwalbach, Limbach, Strinz-Trinitatis en Wallbach. De oare plakken moasten mei yngong fan 1 jannewaris 1977 harren selstannigens opjaan. Yn it sintraal lizzende Wallbach waard in nij gemeentehûs boud.

Yn it jier 2020 sette de gemeente it "Hünstetter Kulturpfad" út. De kuierrûte, weryn't alle plakken fertsjintwurdige binne, liedt de dielnimmers nei kultureel weardefolle saken fan de gemeente. Fan de goed sechtich monuminten fan de gemeenten binne fjirtich yn rûte opnommen. Njonken monuminten bringt de rûte de dielnimmers ek nei de moaiste stikjes natoer fan de gemeente.

• Side fan de gemeente: Hünstetter Kulturpfad

Boarnen, noaten en/as referinsjes:

Foar boarnen en oare literatuer, sjoch ûnder: Literatur en Einzelnachweise, op dizze side. Commons  Ofbylden dy't by dit ûnderwerp hearre, binne te finen yn de kategory Hünstetten fan Wikimedia Commons.