Gustave Doré
![](https://upload.wikimedia.org/wikipedia/commons/thumb/6/6a/Dor%C3%A9_by_Nadar_1867_cropped.jpg/225px-Dor%C3%A9_by_Nadar_1867_cropped.jpg)
Foto Félix Nadar, 1867
Paul Gustave Doré (Straatsburch, 6 jannewaris 1832 – Parys, 23 jannewaris 1883) wie in Frânsk keunstner, graveur en yllustrator.
Libben en wurk
[bewurkje seksje | boarne bewurkje]Doré waard berne yn Straatsburch en publisearre syn earste yllustrearre ferhaal al doe't er 15 jier wie. Hy waard boekeyllustrator yn Parys, dêr't er tekeningen makke by it wurk fan ûnder oaren Rabelais, Balzac en Dante. Yn 1853 waard er frege om it wurk fan Lord Byron te yllustrearjen. Dat waard folge troch oar wurk foar Britske útjouwers, dêr't in nije yllustrearre Ingelske bibel by wie. Teffens makke er platen by in grutte útjefte fan The Raven fan Edgar Allan Poe.
De Ingelske bibel fan Doré (1865) wie in grut súkses en yn 1867 wie der in wichtige útstalling fan syn wurk yn Londen. Dat hie de stifting fan de Doré Gallery yn New Bond Street fan gefolgen.
Yn 1869 stelde Blanchard Jerrold, de soan fan Douglas William Jerrold, út om gear te wurkjen by it meitsjen fan in wiidweidich portret fan Londen. Jerrold kaam op dat idee troch The Microcosm of London dy't troch Rudolph Ackermann, William Pyne en Thomas Rowlandson makke wie yn 1808.
Doré tekene foar in projekt fan fiif jier mei útjouwer Grant & Co; dat betsjutte dar er trije moannen it jier yn Londen tahâlde soe. Hy krige in slompe jild (£ 10,000 it jier) foar syn wurk. It boek London: A Pilgrimage ('Londen: in beafeart'), mei 180 gravueres, kaam út yn 1872.
It boek slagge kommersjeel tige, mar kritisy moasten net folle fan it wurk hawwe. It like wol dat it ferskate kritisy net noaske dat Doré de earmoed yn Londen bleatlei yn syn wurk. Hy waard beskuldige fan it optinken fan beskate sênes yn stee fan it werjaan fan de werklikheid.
Londen: A Pilgrimage wie in finansjeel súkses en Doré krige opdrachten fan oare Britske útjouwers. Ta syn lettere wurk heart Paradise Lost fan Milton, Idylls of the King fan Alfred Tennyson, The Works of Thomas Hood, The Divine Comedy en de Nederlânske De goddelijke komedie. Syn wurk ferskynde ek yn Illustrated London News. Doré bleau oan it yllustrearjen oant syn dea yn Parys yn 1883 ta. Hy waard begroeven op begraafplak Père-Lachaise.
Galery
[bewurkje seksje | boarne bewurkje]-
De Sûndfloed
-
Jakob wrakselet mei de ingel - 1855
-
De skepping fan it ljocht
-
Jona en wâlfisk
-
It oardiel fan Salomo
-
It deadwaan fan Jezebel yn Jezreël
-
Orlando Furioso
-
Yllustraasje: Orlando Furioso
-
Yllustraasje: Orlando Furioso
-
Yllustraasje: Paradise Lost
-
Ofbyld fan Satan, de antagonist fan John Milton's Paradise Lost ± 1866
-
It himelske hear, om 1866, yllustraasje by Paradise Lost
-
De Dea ôfbyld as de Grim Reaper op de top fan de wrâld, út The Raven
-
Doré yllustrearre in tal mearkes: Jiskepûster
-
Readmûtske
-
Camelot, yllustraasje foar Idylls of the King
-
Merlyn jout Kening Arthur rie, plaat foar Idylls of the King
-
Andromeda
-
Charon, út de Godlike Komeedzje
-
Charon herds the sinners onto his boat, taking them to be judged (The Divine Comedy)
-
Mohammed, út de Godlike Komeedzje
-
Illustration: Dante wurdt as gelikense oannaam troch de grutte Grykske en Romeinske dichters
-
'Le Defense Nationale', brûnzen skulptuer, Rosenberg Library, Galveston (Teksas)
-
De earste beklimming fan de Matterhorn
-
It fataal ûngemak by de earste beklimming fan de Matterhorn yn 1865
-
Oer Londen per spoar, ± 1870. Ut Londen: in beafeart
Keppelings om utens
[bewurkje seksje | boarne bewurkje]- Gustave Doré by Projekt Gutenberg
- Gustave Doré op Lambiek.net
- Album mei yllustraasjes fan Gustave Doré op doreillustrations.com
- PDF-triem fan 23 MB mei 120 platen
- De kolleksje Gustave Doré fan de Siuwske Bibleteek
- Alde Testamint
- Nije Testamint
- Milton - Paradise Lost
- Lafontaine syn fabels
- Mearkes
- Michaud - Crusades
- Miguel de Cervantes - Don Quijote
- Edgar Poe - The Raven
Text is available under the CC BY-SA 4.0 license; additional terms may apply.
Images, videos and audio are available under their respective licenses.