Buerstermûne (mûne)
| Buerstermûne | ||
 mûne / mole
| ||
| ||
| De Buerstermûne yn 2022 | ||
| lokaasje | ||
| lân |  Nederlân
| |
| provinsje |  Fryslân
| |
| gemeente |  Ljouwert
| |
| plak |  Froubuorren
| |
| adres | Buerstermûne 8 | |
| koördinaten | 53° 16' N 5° 43' E | |
| bysûnderheden | ||
| type mûne | stellingmûne | |
| funksje | nôtmûne | |
| flecht | 20,54 meter | |
| boujier | ± 1850 | |
| oare ynformaasje | ||
| eigner | Stifting Buerstermûne | |
| monumintale status |  ryksmonumint
| |
| monumintnûmer | 9526 | |
| Webside | ||
| Side Buerstermûne | ||
| Kaart | ||
  | ||
De Buerstermûne (offisjeel: Vrouwbuurstermolen) is in nôtmole en ryksmonumint yn de buorskip Buerstermûne, east fan it doarp Froubuorren yn de gemeente Ljouwert.
Skiednis
[bewurkje seksje | boarne bewurkje]De Buerstermûne waard yn de rin fan de 19e iuw boud, nei alle gedachten út ûnderdielen fan in earne oars sloopte mûne, op in steed dêr't yn 1566 al in standermûne stie. Oer it krekte jier dat de Buerstermûne boud waard bestiet ûnwissens. Neffens de Moledatabank barde dat om 1850, mar De Hollandsche Molen is dúdliker en sprekt fan 1862.
De achtkante mûne, mei stiennen fjildmuorren, stie oant 1954 yn it wurk. Acht jier letter waard de Stichting Vrouwbuurstermolen oprjochte, dy't restauraasje as doel hie. Yn 1966 waard de kape fan de Buerstermûne ferfongen. Ek yn 1995 en 2007 waard de mûne restaurearre. Hy wurdt brûkt as lesmûne foar frijwillige mûnders.
De mûne spile in rol yn de Alfde Alvestêdetocht op 14 febrewaris 1956, doe't de fiif koprinners yn dy tocht by de mûne de ôfspraak makken om yn Ljouwert tagelyk oer de einstreek te gean. Dat waard bekend as it Pakt fan Buerstermûne. De fiif holden wurd; wêrnei it bestjoer fan de Feriening De Fryske Alve Stêden besleat om dat jier gjin prizen ta te kennen.
Mei de fernijing fan it takrêd yn 2020 is nei in lange en drege restauraasje de mûne sûnt 2020 wer ree om te meallen.[1]
Beskriuwing
[bewurkje seksje | boarne bewurkje]De Buerstermûne is in stellingmûne fan in houten achtkant op in fjouwerkante houten ûnderbou. De stelling sit op in hichte fan 4,9 meter.
De mûne hat in flecht fan 20,54 meter en de wjukken binne Aldhollânsk ophekt. De bûtenroede is yn 1992 troch Derckx makke en hat it nûmer 723. De binnenroede is yn 1995 makke troch Molema en hat nûmer 5.
De Buerstermûne wurdt remd mei in Flaamske fang, dy't betsjinne wurdt mei in wipstôk.
Sjoch ek
[bewurkje seksje | boarne bewurkje]| Boarnen, noaten en/as referinsjes: | ||
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
