Francijntje de Boer
| Francijntje de Boer | ||
 skriuwer
| ||
| ||
| persoanlike bysûnderheden | ||
| echte namme | Francijntje Martens de Boer | |
| nasjonaliteit |  Nederlânsk
| |
| berne | 18 oktober 1784 | |
| berteplak | Harns | |
| stoarn | 7 maart 1852 | |
| stjerplak | It Hearrenfean | |
| etnisiteit |  Frysk
| |
| wurk | ||
| taal | Nederlânsk | |
| offisjele webside | ||
| DBNL-profyl | ||
Francijntje de Boer (Harns, 18 oktober 1784 - It Hearrenfean, 7 maart 1852) wie in tsjinstfaam en dichteresse.
Tusken 1815 en 1825 publisearre se fjouwer dichtbondels, dêrfan trije foar de jongerein. Har taal wurdt karakterisearre troch ienfâld. Har gedichten draaie om húslikens, deugdsumens en suvere godstsjinstsin.
Libben
[bewurkje seksje | boarne bewurkje]Francijntje wie dochter fan Marten de Boer, muzykmaster en skriuwer oan "'s lands werf". Se wie it twadde bern út in húshâlding fan 13. Yn 1800 ferliet se it âlderlik hûs. Under it skriuwen fan in soad gedichten (wêrûnder ferskate gelegenheidsgedichten) ûntwikkele se har as dichter. Nei it ferstjerren fan har mem yn 1807 naam Francijntje har plak yn de húshâlding yn. Har heit ferstoar yn 1810 en de húshâlding waard ûntbûn.
Francijntje krige yn 1810 in betrekking by de hear Tynhout, siktaris fan Baarderadiel, en folge dy syn húshâlding doe't er yn 1814 Snits as wenplak krige. De omgong mei minsken mei kennis en smaak droech by oan de ûntwikkeling fan har talinten. Al yn 1815 joech se har earste dichtbondel út (by A. Loosjes Pzn. te Haarlim). Twa jier letter folge "Gedichtjes voor kinderen", dat fiif printingen meimakke en ek yn it Frânsk oersetten waard troch Antoine Joseph Théodore Auguste Clavereau.
Francijntje de Boer hie kunde oan Fenna Mastenbroek, Petronella Moens en Anna Barbara van Meerten-Schilperoort.
Yn 1828 waard se húshâldster by de hear Tuymelaar op It Hearrenfean, dy't widner wurden wie. De Hearrenfeanster tiid waard har glorieuze tiid. Ferskate dichtbondels ferskynden fan har hân. Se waard te hôf brocht op it âlde algemiene begraafplak op It Hearrenfean. Har grêf waard dekt troch in lyts moarmeren stientsje wêrop, alhiel yn oerienstimming mei har ienfâld en beskiedenheid allinnich har namme stie: Francijntje de Boer.
D.M. van der Woude wijde yn 1941 yn it Doopsgesind Wykblêd (7 en 17 septimber) twa artikels oan har gedichten. Sjoch ek syn artikel yn de Friese Koerier fan 24 desimber 1963. Yn 1973, by it romjen fan it begraafplak, krige it moarmeren stientsje in plak yn it Museum Willem van Haren.
Bibliografy
[bewurkje seksje | boarne bewurkje]- Dichtproeven van Francijntje de Boer, dienstmaagd te Sneek (1815)
- Gezangen bij de plegtige viering van het derde eeuwfeest der hervorming, den 2den november 1817 (1817)
- Gedichtjes voor kinderen (1817), mei 12 ôfbylden; yn it Frânsk oerset yn 1835
- Nieuwe dichtproeven van Francijntje de Boer, dienstmaagd te Sneek. Amsterdam 1821.
- Gedichtjes voor behoeftige kinderen, (1823); herdruk met een muziekstukje (1824)
- Jaarboekje, door Natuur en Kunst aan genoegen gewijd, bondeltsje mei ûnder mear wurk fan Francijntje de Boer (1824)
- Kindergedichtjes, herdruk (1829) van 'Gedichtjes voor kinderen' (1818), mei 12 nije ôfbylden
- Petits poèmes, à l'usage de l'enfance, par Françoise (Francijntje) de Boer. Der ferskynden twa útjeften, wêrfan 't de djoerdere in biografyske notysje befette fan mr. C.P.E. Robidé fan de Aa en fjouwer lito's fan Nolthénius de Man.[1] Frânske fertaling fan Auguste Clavareau, dédiés à mes petites filles Adèle, Sophie, Thérèse. (1835)
- 'De Waarde van den Tijd', yn: Almanak voor dienstboden voor het jaar 1842
- Laat ons leven tot elkanders nut en vreugd. Nederlandsche verhalen en eenige nieuwe dichtproeven, mei plaatsjes (1850)
- Kindergedichten (= Gedichtjes voor kinderen), 5e-7e druk (1859/1860), 8e druk (1870).
Keppelings om utens
[bewurkje seksje | boarne bewurkje]| Boarnen, noaten en/as referinsjes: |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
