Al-Aksamoskee
De Al-Aksamoskee (Arabysk المسجد الأقصى al-masjid ul-aqsā, "de fierste moskee") is in moskee dy't reekaam yn 705, boud op de súdside fan de Timpelberch yn Jeruzalem njonken de Rotskoepel, in oar islamitysk hillichdom. Op de Kaaba yn Mekka en moskee fan de profeet yn Medina nei is it de tredde ferneamdste hillichdom fan de Islamiten. De Al-Aksamoskee is de grutste moskee fan Jeruzalem en hat plak foar om-ende-by 5000 minsken.
De âldste ynformaasje dy't wy ta ús foldwaan hawwe is in beskriuwing fan de moskee troch Sophronius. Neffens syn ferslach wie it in rûch houten gebedsplak foar de soldaten fan kalyf Omar. Moe'awija, eartiids generaal fan Omar en letter sels ek kalyf liet him der yn kroane.[1] It hjoeddeiske stiennen gebou datearret fan 660. De nije kalyf, dy't oer it generaal freedsume relaasjes ûnderhâlde mei it Byzantynske Ryk krige by de bou help fan ûngefear 200 Byzantynske arsjitekten en boufakkers. De Byzantynske ynfloed is noch altyd goed te sjen oan de boustyl fan it gebou.
Nei alle gedachten befynt him ûnder de moskee de oerbliuwsels fan de 3000 jier âlde Timpel fan Salomo. Dat is ek de reden wêrom guon joaden it eigendom van de Timpelberch bestride.
Yn 1951 waard de Jordaanske kening Abdullah I by ferlitten fan de moskee troch in oanslach deade.
Yn 1969 waard de minbar dy't noch troch Saladin bouwe litten wie, troch in radikale kristen yn de brân stutsen en folslein ferwoaste. Begjin 2007 waard in replika yn de moskee ynstallearre. [2]
Noaten
[bewurkje seksje | boarne bewurkje]- ↑ (sjoch at-Tabari, fol. 2, side 4; Masudi, fol. 5, side 14)
- ↑ Al-Aqsa mosque gets new rostrum, Al Jazeera English, 24 jannewaris 2007
Text is available under the CC BY-SA 4.0 license; additional terms may apply.
Images, videos and audio are available under their respective licenses.
