La lenghe latine e je di origjin indo-europeane al inizi dal prin mileni p.d.C al jere fevelât dome a Rome e in cualchi citât atôr; al deventà une vore impuartant graziis ae espansion dal Imperi Roman, par cui e cjapà pît in scuasit dute la Europe ocidentâl, netant vie lis lenghis celtichis o di altris origjinis za presintis. Daspò de colade dal Imperi e fo la base di dutis lis lenghis romanzis, come il spagnûl, il francês e ancje il furlan, ma influençant ancje lis lenghis gjermanichis, in particolâr l'inglês, soredut par il lessic sientific.

Al dì di vuê il latin e je ancjemò la lenghe uficiâl de Citât dal Vatican; la glesie catoliche e je di fat simpri stade un sostenidôr dal latin, tant che fintremai il Concili Vatican II (1962-1965) dutis lis liturgjiis e jerin in cheste lenghe; inmò, al è studiât tai liceus talians, ma par judâ a capî il talian che par fevelâlu.

• Latin classic, chel che si studie intes scuelis
• Latin tart imperiâl, influençât sei dal grêc sei dal volgâr fevelât dal popul
• Latin de etât di Mieç, aromai lontan dal classic, ma recuperât soredut tal Umanisim

Une peculiaritât dal latin, che no je presinte intes lenghis romanzis (fûr che in rumen), e je chê de declinazion: il latin al à sîs câs par esprimi la funzion jentri di une frase:

• Nominatîv
• Gjenitîv
• Datîv
• Accusatîv
• Vocatîv
• Ablatîv

A son cinc declinazions dai nons, trê pai adietîfs e cuatri formis verbâls.

E esist ancje une edizion par latin de Vichipedie