Il comunisim, peraule derivade dal latin "commūnis" (comun, di ducj) e je une dotrine politiche socio-economiche fondade tal principi di propietât comun dai mieç di produzion, di une organizazion coletive dal lavôr, e de costruzion di une societât cence classis sociâi.

Derivât dal socialisim e dal pinsîr e lis oparis di Karl Marx e Friedrich Engels e de azion politiche di Lenin, il comunisim a caraterizât buine part dal XX secul. Ancje se l'idee di une societât comuniste jere prisinte za fin da l'antichitât, nome tal Sietcent cun le Rivoluzion industriâl si scomence a fevelâ di socialisim e comunisim. In maniere gjenerâl, le peraule comunisim ven doprade ancje par descrivi dutis lis teorîs che proviodin la coletivitât dai mieç di produzion e le abolizion de propritât privade. Fin e publicazion dal Manifest dal partît comunist in tal 1848 a Londre, socialisim e comunisim vegnin considerâts sinomim. In cheste opare invezit, i dôi autôrs Karl Marx e Friedrich Engels fasin une division jenfri «socialisim utopistic» e «socialisim scientific» che clamin ancje comunisim. Cun cheste division, i dôi autôrs volevin fâ une diference jenfri lis teorîs socialistis che esistevin za e la lôr, basade su fâs e leçs e no su ideis e utopîs.

In dutcâs la peraule comunisim continue a jessi doprade come sinonim di socialisim par dut il Votcent. Bisugne ricuardâ che ducj i partîts de Seconde Internazionâl di ispirazion marxiste vegnivin clamâts socialiscj o sociâldemocratics. No ducj i contests dulâ il comunisim al è stât aplicât an mantignût i fondamentâi dal pinsîr marxist ma an puartât a modei di Stât cun modei societaris contraris a lis basilaris ideologjis comunistis, come tal sens autoritari invezit che avualitari, a dispiet dal nom, o nazionalistis in cuintrioposizion ai fondaments marxist. I esemplis van dal totalitarisim stalinist o le derive in te economie di marcjât dai paîs comuniscj orientâi cun gnûf e pui fuarts disecuilibris economics e sociâi. Le aspirazion a une societât avualitarie an origjinis di lontan in te storie, e cun il timp an vût connotazions e aspirazions diferentis. Lis condizions di sfrutament dai operaris tal cors de prime fase de Rivoluzion industriâl e povertât dai contadins in tis campagnis puartin a le nassite di une gnove cuscience politiche. Chescj ferments puartin a l'elaborazions di tesis di progjet politic di une gnove societât. Le idee che si podarès formâ une gnove societât avualitarie puarte a le nassite di tancj moviments, teorîs e ideologjis che si cjatin a fasis alternis, aleadis o contrapuestis, tal intent di formâ une gnove "societât cence classis".

• Karl Marx e Friedrich Engels, Il Manifest del Partît Comunist, par cure di Pietro Gori, 1891.

• Karl Marx e Friedrich Engels, Manifesto del Partît Comunist, Londra, 1848 (archiviât dall'url origjinâl il 25 març 2010).

• Karl Marx e Friedrich Engels, Manifesto del partît comunist, par cure di Domenico Losurdo, Laterza, 2018 [1999], ISBN 88-420-5894-7, OCLC 797465102.

• Karl Marx, Il capitâl, Newton Compton, 2015.

• Ditature dal proletariât
• socialisim
• marxisim
• capitalisim
• anarchie
• anarco-comunisim

• Manifest dal partît comunist
• Il Capitâl

• Karl Marx
• Fredrich Engels
• Antonio Gramsci
• Rosa Luxembourg
• Anton Pannekoek
• Paul Mattick
• Lenin
• Josif Stalin

• Rivoluzion russe
• rivoluzion cubane
• Vuere frêde
• Union Sovietiche
• Comintern

• anticomunisim