Söl'ring

Skramel es dit, wat aur es, wan di Mensk wat maaket heer.

Aurdat di Mensk uk masi maaket, wat Skaaren tö di Öört maaket, luket em aliweegen diareeđer, dat dit mener uur skel. Diartö jert uk Recycling, diar uur di Skramel sortiaret, dat em diar weđer wat fan maaki ken. Fuar di Sortiaring jeft et Skramelnumern, dānen diarbi help skel.

Beeter üs di Stofi jit jens tö nüti es noch, jam gaar ek to maaki, koopi of nüti. Em snaket diar uk fan di Futprent, diar en Mensk aur sin Leewent üp Wārel maaket.
Fuar mener Skramel jeft et masi Waien, jen diarfan es iin ön des Video biskrewen.

Jir sen Skeltern fan en iinfachi Tour naa Tinem en töbeek.

• 
  Skramel mermung di Mjuks üp en Eeker ön Ārichsem.
• 
  Skramelcontainers ön Tinem, hur di Tankstair renoviaret uur.
• 
  En bet Winj, en di Könststof flocht man sa ombi.
• 
  Fuul Mensk, fuul Skramel. En bet Winj, en dit flocht man sa ombi (Tankstair ön Tinem)
• 
  Hat es noch ek sa iinfach en raaki dit Skramelfat.

Di Konsuum fan üüs Menskhair es muar en muar uuren, en hat leengt al lung ek muar, wan em höm jens of tau Lop ön di Week tauet.
Wan't giar, da skel aliweegen wārem Weeter üt di Wuchen kum, en dit skel hol sa fuul wiis, dat em tömendst ark Dai dusji ken, wan ek baari. Dit Weeter diarfan skel somhur hen, en di Seep, hur em höm me tauet heer, mut metjens me langs.
Uk fan Werk kumt fül Weeter, en dit skel em hol luasuur.
Aurdat aliweegen Geft sa üs uk Skramel en Plastik iin ön di Seepen en dit Weeter sen, ken em dit Diari ek iinfach iin ön di Graav laap let, dit mut rensket uur. Diarfuar jeft et uk üp Söl en Weeter-Rensk-Önlaag.

• 
  Di Weeter-Renskönlaag staant bi Raantem-Beken.
• 
  Di Iingang heer masi Seekerhairs-Önlaagen.
• 
  Di Rensk-Önlaag waar 1989 ombecht.

• Sölring Videos üp Youtube (Playlist)