Løgtingsvalið 2019 til Føroya Løgting varð leygardagin hin 31. august 2019. Løgmaður, Aksel V. Johannesen, útskrivaði valið ólavsøkudag 29. juli 2019. Valið varð seinasta dagin í valskeiðnum, sum møguligt var at halda løgtingsval, tí at seinasta løgtingsval var tann 1.september 2015.^[1][2][3] Á valinum í 2019 vóru okkurt um 1000 fleiri veljarar enn á valinum 2015.

Sjey tingfólk høvdu boðað frá, at tey stilla ikki uppaftur. Tey vóru Kári P. Højgaard, Bjørn Kalsø, Sonja Jógvansdóttir, Magni Laksáfoss, Helena Dam á Neystabø, Edmund Joensen og Joen Magnus Rasmussen.^[4]

Kristin Michelsen, sum varð valdur á listanum hjá Javnaðarflokkinum á seinasta løgtingsvali, var hesa ferð á listanum hjá Sjálvstýrinum.^[5]

Níggju flokkar vóru at velja millum á løgtingsvalinum 2019. Tað vóru teir sjey flokkarnir, sum tá vóru í løgtinginum, og tveir nýggir. Teir nýggju vóru Framtakið fyri rættinum at velja kannabis og Føroyaflokkurin.^[6][7] Tilsamans 179 valevni bjóðaðu seg fram til løgtingsvalið, 121 menn og 58 kvinnur.^[8] Tann 17. august kl. 18 var seinasta freist at lata valevnislistar inn til formannin í løgtingsvalnevndini.^[9]

Atkvøðugreiðslan byrjaði 31. august 2019, kl. 10.00 fyrrapart og helt fram til kl. 20.00.^[10]

Fólkaflokkurin gekk 5,6 prosentstig fram og gjørdist stóri vinnarin á løgtingsvalinum. Javnaðarflokkurin hevði størstu afturgongdina við 2,9 prosentstig, men hinir flokkarnir í samgonguni, Tjóðveldi og Framsókn, mistu eisini meira enn 2 prosentstig hvør.

• Atkvøðurætt: 37.821
• Atkvøður: 33.819
• Blankar/Ógildugar: 82/47
• Valluttøka: 89,8%

Tølini eru frá heimasíðuni hjá Løgtinginum (atkvøður)^[13] og frá heimasíðuni hjá KvF (tinglimir).^[14]

Aksel V. Johannesen gjørdist toppskorari á valinum við 2323 atkvøðum. Bárður á Steig Nielsen fekk næstflestar við 1218. ^[15] Av teimum valevnunum, ið vórðu vald inn á ting fyri fyrstu ferð, fekk Beinir Johannesen flestar atkvøður við 998.

Persónligar atkvøður av teimum 33 fólkunum, ið manna nýggja løgtingið.^[13][14]
(25 menn og 8 kvinnur. Fínteljingin er liðug.)^[16][17]

• Løgtingslimir í Føroyum 2019-2022
• Løgtingsvalið 2015
• Løgtingslimir í Føroyum 2015–2019

• Valúrslit - Løgtingsval 31. august 2019, kvf.fo
• Val 2019, kvf.fo
• Løgtingsval 2019, kvf.fo
• Allar persónligar atkvøður, kvf.fo
• Løgtingsval verður 31. august, lms.fo
• Vegleiðing um tíðarfreistir í sambandi við løgtingsvalið 2019, himr.fo
• Valevnalistar til løgtingsvalið 31. august 2019, himr.fo
• Hesi stilla upp til løgtingsvalið 2019 / valevnini, kvf.fo
• Valevni, portal.fo, 17. august 2019
• Framtakið fær K - Føroyaflokkurin fær L, dagur.fo
• Løgtingsvalið 2019, snar.fo

v t e Val og fólkaatkvøður í Føroyum
Løgtingsval	1906 1908 1910 1912 1914 1916 1918 1920 1924 1928 1932 1936 1940 1943 1945 1946 1950 1954 1958 1962 1966 1970 1974 1978 1980 1984 1988 1990 1994 1998 2002 2004 2008 2011 2015 2019 2022
Fólkatingsval	1920 (apr) 1920 (jul) 1920 (sep) 1924 1926 1929 1932 1935 1939 1943 1945 1947 1950 1953 (apr) 1953 (sep) 1957 1960 1964 1966 1968 1971 1973 1975 1977 1979 1981 1984 1987 1988 1990 1994 1998 2001 2005 2007 2011 2015 2019 2022
Fólkaatkvøður	1907 1946 1973 2009
Sí eisini: Val og fólkaatkvøður í Danmark Val og fólkaatkvøður í Grønlandi