Villacañas
| Villacañas | ||
|---|---|---|
| Entidad subnacional | ||
 | ||
 Escudo | ||
| Coordenadas | 39°36′57″N 3°20′23″O / 39.615833333333, -3.3397222222222 | |
| Capital | Villacañas | |
| Entidad | Monicipiu d'España | |
| • País |
 España | |
| Superficii | ||
| • Total | 269 km² | |
| Altol | ||
| • Media | 664 m s. n. m. | |
| Puebración (2023) | ||
| • Total | 9511 hab. | |
| • Densidá | 35,36 hab/km² | |
| Huso horario | UTC+01:00 | |
| Código postal | 45860[1] | |
| Patrono(a) | Inmaculada Concepción | |
| Sitio web oficial | ||
Villacañas es un monecipiu dela provincia de Toleu, assitiá ena comunidá utónoma de Castilla-La Mancha. Linda colas puebracionis de Lillo, La Villa de Don Fadrique, Corral de Almaguer, Quero, Villafranca de los Caballeros, Madridejos, i Tembleque, tós de Toleu.
El su campu es llanu, con grandis orizontis i pequeñas elevacionis ena su parti oesti (Sierras del Coscojo). Tiini emportantis umedalis, con gran riqueza tantu vehetal cumu ornitolóhica. Riu Riánsares i lagunas cumu la el Taray, Laguna Larga, la e Peñahueca u La Albardiosa muestran la su belleza natural, siendu unus auténticus oasis nel llanu manchegu.
Estoria
[Edital | Editá'l códigu]Nel monecipiu s'alcuentran restus arquiológicus dela Edá del Bronci (lombu Tirez), romanus i árabis. Los puebraus de Borregas, Tirez, Ormeña i Ormeñuela desistierun antiguamenti nel términu e Villacañas sin que uguañoti se puea precisal el su asiahamientu.
La su estoria moerna está relacioná cola Ordin Melital de San Huan de Herusalén, siendu Villacañas una e las catorci puebracionis que hormaban el Prioratu e San Huan, con sei en Consuegra. En 1230 apaici cumu municipiu i nu lograria el entítulu e “Villa” hata 1557, añu nel que quea rota la relación feudal cola Ordin de San Huan.
Nel sigru XVIII se da un periodu e crecimientu económicu, costruyéndusi el nuevu ayuntamientu, las ermitas de “la Virgen” i “San Roque” i rehormandu la elesia.
Pol causa e la desamortización de Mendizábal en 1836, esmienza a apaecel el hornaleru u braceru, que labutará enas nuevas tierras que merca la ca vezi mas emportanti burguesia. El mal estau económicu e los bracerus les llevará a costruil viviendas suterráneas hucheás “silos”. Uguañoti, los silos de Villacañas, declaraus Conhuntu d´Enterés Estóricu, horman un conhuntu arquitetónicu únicu n´Uropa.
La chegá el ferrocarril en 1853 prouci una dinamización tantu social cumu económica que pondrá a Villacañas a la caeza e la comarca. A partil d´esta época la puebración dirá creciendu de horma costanti hata los añus 60, en que, cumu consecuencia e la endustrialización el campu, se prouciria una emportanti emigración de villacañerus ebiu al escesu e manu d´obra.
Endustria
[Edital | Editá'l códigu]Hata nu hazi abondu, la prencipal ocupación de los villacañerus hue a l´agricurtura i a las sus endustrias relacionás con ella (de fábricas de harinas, elaboración de vinus i alcoholeras). Uguañoti, la agricurtura acontina en plena esplotación, predominandu la vid, el trigu i el olivu, inque las antiguas endustrias ya nu huncionan.
La endustria atual se hundamenta enas moernas empresas de fabricación de puertas de maera qu´esportean a toa España i parti d´Uropa. Uguañoti, n´esta ativiá labutan casi 4.000 presonas, de los qu´argu mas de la metá son villacañerus, i el restu de las puebracionis cercanas.
La poca diversiá la endustria e Villacañas hazi que esta s´alcuentri esclusivamenti ligá a la volución el mercau e la maera.
Tamién destaca la endustria testil, ena que labutan unas 300 presonas.
Arti i coltura
[Edital | Editá'l códigu]Villacañas cuenta con dos museus, el de la “Tía Sandalia” i el “Museo Etnográfico del Silo” (Museu Enográficu el “Silo”).
La tia Sandalia, Sandalia Simón Fernández (Villacañas 1902-1987), hue una artista e condición umildi. El su analfabetismu no l´impiió ehal patenti el su sentimientu relihiosu en cuairus i figuras moelás en yesu. El su estilu á siu catalogau cumu naif. Nel museu se puein visoreal 66 escurturas, 40 relievis i 26 lienzus.
Nel Museu el “Silo” se puei esprimental la sensación de vivil bahu tierra. La decoración muestra de horma bastanti fiel cumu era una vivienda d´esti tipu, de las que en 1950 chegó a bel 1.700.
Endi hazi mas de trescientus añus, el 1 de mayu se celebran las fiestas en onol al Santísimu Cristu la Viga, qu´an siu declarás d´Enterés Turísticu Rehional. Unu los aspetus mas destacabris d´esta fiesta son los bailaus qu´en plena calli realizan los danzantis el Cristu; arriscaus cola su endumentaria especial, hazin diecisieti piezas de bailaus. El puntu graciosu lo da el danzanti la "Porra", que, mientras los sus compañerus bailan, va proclamandu izius i chascarrillus, heneralmenti en versu. A continuación s´endica unu d´esus chascarrillus, cantau enus añus 50:
- El diecinueve de marzo,
- El día de San José,
- Fui ca' tío Pisablando
- Y con la "Porra" me quedé.
- De que llegué a mi casa
- Se lo dije a mi mujer,
- Estaba haciendo gachas
- Y me tiró la sartén.
Pressonajis mas emportantis
[Edital | Editá'l códigu]- Liz Lobato: Presentaora e "La Mandrágora" i atriz en seris cumu "Motivos personales".
- Julián Simón: Pilotu e 250 CC de Motociclismu.
- ↑ Worldpostalcodes.org, código postal n.º 45860.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
