Estau^[1] es un conceptu políticu que se refieri a una forma d'organización social, económica, política soberana y coercitiva, conformá por un conjuntu d'institucionis, que tien el puel e regulal la vía comunitaria nacional, generalmenti solu en un territoriu determinau o territoriu nacional; manqui no siempri, com'en el casu del imperialismu. S'estila incluilsi en la definición d'Estau el reconocimientu por parti la comunidá internacional comu sujetu de derechu internacional.

El conceptu d'Estau difieri según los autoris,^[2] peru argunus d'ellus definin el Estau comu'l conjuntu de institucionis que posein la autoridá y potestá pa establecel las normas que regulan una sociedá, teniendu soberanía interna y esterna sobri un territoriu determinau. Max Weber, en 1919, defini el Estau modernu com'una "asociación e dominación con carácter institucional qu'á tratau, con éxitu, de monopolizal drentu d'un territoriu la violencia física legítima comu meyu de dominación y que, con esti fin, á reuníu tós los meyus materialis en manos e los sus dirigentis y á espropiau a tós los seris humanus qu'endenantis disponían d'ellus por derechu propiu, sustituyéndolus con las sus propias jerarquías supremas”.^[3] Por ellu se hallan drentu del Estau institucionis talis comu las huerzas armás, la administración pública, los tribunalis y la policía, asumiendu pos el Estau las hunciones de defensa, gobernación, justicia, segurancia y otras, comu las relacionis esterioris.

Probablementi la definición más clásica d'Estau, hue la citá pol jurista alemán Hermann Heller que defini al Estau com'una "unidá de dominación, independienti en lo esterior e interior, que actúa de modu continu, con meyus e puel propius, y claramenti delimitau en lo personal y territorial". Además, el autor defini que sólu se pué palral d'Estau com'una construzión propia las monarquías absolutas (guipal monarquía absoluta) del sigru XV, de la Edá Moderna. "No ái Estau en la Edá Antigua", señala el autor.^[4] Asínmesmu, com'evolución del conceptu s'á desarrollau el "Estau de Derechu" pol que s'incluyin drentu la organización estatal aquellas resultantis del imperiu la lei y la división e pueris (ejecutivu, legislativu y judicial) y otras huncionis, comu l'emisión e moneda propia.

• Convención e Montevideu
• Secretu d'Estau
• Relacionis internacionalis
• Estatismu
• Siñó la guerra

• Barrow, Clyde W. "Critical Theories of State: Marxist, Neo-Marxist, Post-Marxist. (1993) isbn=0-299-13714-7. url=https://books.google.com/books?id=t3zo8mCl580C
• Bobbio, Norberto. "Democracy and Dictatorship: The Nature and Limits of State Power" (1989) isbn=0-8166-1813-5. url=https://books.google.com/books?id=4AE8ur83g8AC
• Cudworth, Erika. "The Modern State: Theories and Ideologies". (2007). isbn=978-0-7486-2176-7. url=https://books.google.com/books?id=Pr8tAAAAYAAJ
• Dogan, Mattei. "Encyclopedia of government and politics". (1992) isbn=978-0-415-07224-3. url=https://books.google.com/books?id=_MdR_fvPxZoC&pg=PA116
• Flint, Colin & Taylor, Peter. "Political Geography: World Economy, Nation-State, and Locality". (2007) isbn=978-0-13-196012-1. url=https://books.google.com/books?id=GXz9xHdHeZcC
• Hay, Colin. "Routledge Encyclopedia of International Political Economy: Entries P-Z". (2001) isbn=978-0-415-24352-0. |pages 1469–1475. url=https://books.google.com/books?id=lSmU3aXWIAYC&pg=PA1469
• Joseph, Jonathan. "Social theory: an introduction". (2004). isbn=978-0-8147-4277-8. url=https://books.google.com/books?id=ic5UOphbKHsC
• Malešević, Siniša. "Ideology, legitimacy and the new state: Yugoslavia, Serbia and Croatia". (2002). isbn=978-0-7146-5215-3. url=https://books.google.com/books?id=Lc_nMFoGcYkC

• El Estau y los sus elementus