Deceanglus
 Nesta página se gasta una ortografía destinta ala que normalmenti se gasta ena Güiquipedia. |
Los deceanglus (deceangli) u deceangus juerun una las tribus celtas que vivían enas islas británicas antis de la conquista romana de Gran Bretaña. La tribu vivía nel norti el Galis actual, inque nu se sabbi de siguru si el su territoriu cubbría namás que los condáus moernus de Flintshire y Denbighshire nel nordesti Galis u si s'estendía más pal uesti.
El primel ataqui romanu a las tribus galesas se jiðu baju nel añu 48 DC, cuandu Publiu Ostoriu Escápula, el gobernaol la pruvincia, marchó sobre los deceanglus. Paji que se rindierun con poquina resistencia, no cumu los Siluris y los Ordovicis qu'opusun una lalga y dura risistencia a la dominación romana. Nu paji qu'haiga habíu nenguna colonia costruía polos romanus enos territorius desta tribu, inqu'el juerti auxilial de Canovium (Caerhun) estaba quiðás enas sus tierras y púu bel teníu bastanti pobración civil.
Pue sel qu'el nombri deceangli remaneza nel nombri galés del cantref "Tegeingl", que cubbría gran parti del Flintshire moernu.
Atijus
[Edital | Editá'l códigu]Text is available under the CC BY-SA 4.0 license; additional terms may apply.
Images, videos and audio are available under their respective licenses.
